Tujh Ko Sitam Ka Hausla, Mujh Ko Jigar Diya

Tujh Ko Sitam Ka Hausla, Mujh Ko Jigar Diya,
Taqdeer Ne Hisaab Barabar To Kar Diya...

Kaabe Se Bhi Gaya Main, Kaleesa Se Bhi Gaya,
Ek But Ne But-parasti Pe Dohra Ajar Diya...

Muddat Ke Baad Bheja Hai Us Ne Salaam-e-nau,
Ashkon Ne Ek Chattaan Mein Suraakh Kar Diya...

Lab Si Liye To Paya Hai Lafzon Mein Ye Asar,
Seepi Ko Band Hone Pe Rab Ne Gauhar Diya...

Kitne Ajeeb Lagte Gali Mein Tamaam Raat,
Maula Tumhaara Shukr Hai Rone Ko Ghar Diya...

Koi Daleel Dhundh Na Paya To Agle Din,
Us Ne Mere Khuloos Pe Ilzaam Dhar Diya...

Dilchasp Mod Aa Chala Tha Daastaan Mein "Qais",
Us Ne Haseen Sapne Se Bedaar Kar Diya..!!

تجھ کو ستم کا حوصلہ ، مجھ کو جگر دِیا
تقدیر نے حساب برابر تو کر دِیا,,,!!

کعبہ سے بھی گیا میں ، کلیسا سے بھی گیا
اِک بُت نے بُت پرستی پہ دُہرا اَجر دِیا,,,!!

مُدّت کے بعد بھیجا ہے اُس نے سلامِ نو
اَشکوں نے اِک چٹان میں سُوراخ کر دِیا,,,!!

لب سی لئے تو پایا ہے لفظوں میں یہ اَثر
سیپی کو بند ہونے پہ رَب نے گہر دِیا,,,!!!

کتنے عجیب لگتے ، گلی میں تمام رات
مولا تمہارا شکر ہے ، رونے کو گھر دِیا,,,!!

کوئی دَلیل ڈُھونڈ نہ پایا تو اَگلے دِن
اُس نے مرے خلوص پہ اِلزام دَھر دِیا,,!!!

دِلچسپ موڑ آ چلا تھا داستاں میں قیسؔ
اُس نے حسین سپنے سے بیدار کر دِیا۔۔۔۔۔۔۔۔۔۔۔۔!!