Lams Ki Aanch Pe Jazbon Ne Ubaali Chaay

Lams Ki Aanch Pe Jazbon Ne Ubaali Chaay,
Ishq Peeta Hai Kadak Chahaton Waali Chaay...

Ketli Hijr Ki Thi Ghum Ki Bana Li Chaay,
Wasl Ki Pi Na Sake Ek Pyaali Chaay...

Mere Dalaan Ka Manzar Kabhi Dekho Aa Kar,
Dard Mein Doobi Hui Shaam, Sawaali Chaay...

Hum Ne Mashroob Sabhi Mazr-e-sehat Tark Kiye,
Ek Chhodi Na Gayi Hum Se Ye Saali Chaay...

Ye Paheli Koi Boojhe To Ke Us Ne Kyunkar,
Apne Cup Se Mere Cup Mein Bhala Daali Chaay...

Main Yahi Soch Raha Tha Ke Ijazat Chaahun,
Us Ne Phir Apne Mulazim Se Manga Li Chaay...

Us Se Milta Hai Mohabbat Ke Malangon Ko Sukoon,
Dil Ke Darbaar Pe Chalti Hai Dhamaali Chaay...

Ranjishein Bhool Kar Baithen Kahin Mil Kar Donon,
Apne Haathon Se Pila Khair-sugaali, Chaay...

Ishq Bhi Rang Badal Leta Hai Jaan-e-ahmad,
Thandi Ho Jaaye To Pad Jaati Hai Kaali Chaay.!!

لمس کی آنچ پہ جذبوں نے اُبالی چائے!
عشق پِیتا ہے کڑک چاہتوں والی چائے

کیتلی ہجر کی تھی , غم کی بنا لی چائے
وصل کی پی نہ سکے ,ایک پیالی چائے

میرے دالان کا منظر کبھی دیکھو آ کر
درد میں ڈوبی ہوئی شام ,سوالی چائے

ہم نے مشروب سبھی مضر ِ صحت ترک کئے
ایک چھوڑی نہ گئی ہم سے یہ سالی , چائے

یہ پہیلی کوئی بُوجھے تو کہ اُس نے کیونکر
اپنے کپ سے مرے کپ میں بھلا ڈالی , چائے

میں یہی سوچ رہا تھا کہ اجازت چاہوں
اُس نے پھر اپنے ملازم سے منگالی چائے

اس سے ملتا ہے محبت کے ملنگوں کو سکوں
دل کے دربار پہ چلتی ہے دھمالی چائے

رنجشیں بھول کے بیٹھیں کہیں مل کر دونوں
اپنے ہاتھوں سے پِلا خیر سگالی ,چائے

عشق بھی رنگ بدل لیتا ہے جان ِ احمد !
ٹھنڈی ہو جائے تو پڑ جاتی ہے کالی, چائے..