Donon Ko Aa Saki Na Nibhani Mohabbatein

Donon Ko Aa Saki Na Nibhani Mohabbatein,
Ab Pad Rahi Hain Hum Ko Bhulani Mohabbatein.. 

Sab Sar-ba-sar Fareb Hain Kya In Ka Aitibaar,
Ye Pyaar, Husn, Ishq, Jawani, Mohabbatein..

Kin Kin Rafaqaton Ke Diye Waaste Magar,
Us Ko Na Yaad Aayin Purani Mohabbatein..

Guzri Ruto'n Ke Zakhm To Ab Tak Bhare Nahi,
Phir Aur Kya Kisi Se Badhani Mohabbatein..

Ya Dil Ki Haalaton Ka Bayaan Sab Ke Saamne,
Ya Apne Aap Se Bhi Chhupani Mohabbatein..

Jaane Wo Aaj Kaun Se Raste Se Aaye Ghar,
Har Mod Har Gali Mein Bichhani Mohabbatein..

Nafrat Ke Waaste Kabhi Fursat Nahi Mili,
Hai Apni Mukhtasar Si Kahani Mohabbatein.!!

دونوں کو آ سکی نہ نبھانی محبتیں
اب پڑ رہی ہیں ہم کو بھلانی محبتیں

سب سر بسر فریب ہیں کیا انکا اعتبار
یہ پیار، حسن، عشق جوانی محبتیں

کن کن رفاقتوں کے دیے واسطے مگر
اسکو نہ یاد آئیں پرانی محبتیں

گذری رُتوں کے زخم تو اب تک بھرے نہیں
پھر اور کیا کسی سے بڑھانی محبتیں

یا دل کی حالتوں کا بیاں سب کے سامنے
یا اپنے آپ سے بھی چھپانی محبتیں

جانے وہ آج کون سے رستے سے آئے گھر،
ہر موڑ، ہر گلی میں بچھانی محبتیں۔۔

نفرت کے واسطے کبھی فرصت نہیں ملی
ھے اپنی مختصر سی کہانی محبتیں..