Mujhe Kho Kar Kisi Ko Pa Rahe Ho

Mujhe Kho Kar Kisi Ko Pa Rahe Ho,
Sitam Ab Aur Kis Par Dhha Rahe Ho..

Suna Hai Be-qaraari Badh Gayi Hai,
Suna Hai Ashk Peete Ja Rahe Ho..

Suna Hai Faisla Dushwaar Hai Ab,
Laga Ke Dil Bahut Pachhta Rahe Ho..

Suna Hai Ro Ke Ab Kat Ti Hain Raatein,
Suna Hai Raat Bhar Tanha Rahe Ho..

Suna Hai Chhorh Kar Jab Se Gaye Ho,
Meri Har Baat Ko Dohra Rahe Ho..

Zameen Ki Khaak Mein Mujh Ko Mila Kar,
Falak Ka Chaand Hote Ja Rahe Ho..

Iraada Door Jaane Ka Hai Shayad,
Jo Itne Paas Mere Aa Rahe Ho..

Ada-kaari Bhi Karte Ho Bala Ki, 
Hai Kaisa Haal Kya Dikhla Rahe Ho..

Nigaahon Se Ayaa'n Hai Dard Dil Ka,
Labo'n Pe Muskurahat La Rahe Ho..

Hazaaron, Jis Ne Tum Jaise Banaaye,
Use Kooza-gari Sikhla Rahe Ho..

Chalo Ye Sheyr-gardi Rok Bhi Do,
Faza Mein Dard Kyun Phaila Rahe Ho..

Bichhad Ke Mujh Se Khush Rahte Ho Saahil,
Haqeeqat Hai Ya Dil Bahla Rahe Ho.!

"Saahil Mahmood"

مجھے کھو کر کسی کو پا رہے ہو؟
ستم اب اور کس پر ڈھا رہے ہو؟

سنا ہے بیقراری بڑھ گئی ہے
سنا ہے اشک پیتے جا رہے ہو

سنا ہے فیصلہ دشوار ہے اب
لگا کے دل بہت پچھتا رہے ہو

سنا ہے رو کے اب کٹتی ہیں راتیں
سنا ہے رات بھر تنہا رہے ہو

سنا ہے چھوڑ کر جب سے گئے ہو
مری ہر بات کو دہرا رہے ہو

زمیں کی خاک میں مجھ کو ملا کر
فلک کا چاند ہوتے جا رہے ہو

ارادہ دور جانے کا ہے شائد
جو اتنے پاس میرے آ رہے ہو

اداکاری بھی کرتے ہو بلا کی
ہے کیسا حال کیا دکھلا رہے ہو

نگاہوں سے عیاں ہے درد دل کا
لبوں پہ مسکراہٹ لا رہے ہو

ہزاروں جس نے تم جیسے بنائے
اسے کوزہ گری سکھلا رہے ہو؟

چلو یہ شعر گردی روک بھی دو
فضا میں درد کیوں پھیلا رہے ہو

بچھڑ کے مجھ سے خوش رہتے ہو ساحل
حقیقت ہے یا دل بہلا رہے ہو..

"ساحل محمود"