Husn-e-Jaanaa Ki Taareef Mumkin Nahi

Husn-e-Jaanaa Ki Ta'areef Mumkin Nahi..
Aafreen Aafreen.!
Tu Bhi Dekhe Agar, To Kahe Hum-nasheen..
Aafreen Aafreen.!

Aisa Dekha Nahi Khoobsurat Koi,
Jism Jaise Ajanta Ki Murat Koi, 

Jism Jaise Nigaahon Pe Jaadu Koi, 
Jism Naghma Koi, Jism Khushbu Koi,

Jism Jaise Machalti Hui Raagini,
Jism Jaise Mahakti Hui Chaandni,

Jism Jaise Ke Khilta Hua Ek Chaman,
Jism Jaise Ke Suraj Ki Pahli Kiran, 

Jism Tarsha Hua, Dilkash-o-dil-nasheen, 
Sandalin Sandalin, Marmarin Marmarin..
Aafreen Aafreen.! 

Chehra Ek Phool Ki Tarah Shadaab Hai,
Chehra Us Ka Hai Ya Koi Mahtaab Hai,

Chehra Jaise Ghazal, Jehra Jaan-e-ghazal,
Chehra Jaise Kali, Chehra Jaise Kanwal,

Chehra Jaise Tasawwur Bhi Tasveer Bhi,
Chehra Ek Khwab Bhi Chehra Tabeer Bhi,

Chehra Koi Alif Lailavi Dastaan,
Chehra Ek Pal Yaqeen, Chehra Ek Pal Gumaan,

Chehra Jaisa Ke Chehra Koi Nahi,
Mah-ru Mah-ru, Mah-jabeen Mah-jabeen..
Aafreen Aafreen.!

Aankhein Dekhi To Main Dekhta Rah Gaya,
Jaam Do Aur Donon Hi Do Aatisha,

Aankhein Ya May-kade Ke Ye Do Baab Hain,
Aankhein In Ko Kahun Ya Kahun Khwab Hain, 

Aankhein Neechi Huin To Haya Ban Gayin,
Aankhein Oonchi Huin To Dua Ban Gayin,

Aankhein Uth Kar Jhuki To Ada Ban Gayin,
Aankhein Jhuk Kar Uthi To Qaza Ban Gayin,

Aankhein Jin Mein Hai Qaid Aasman-o-zameen,
Nargisin Nargisin, Sar-migeen Sar-migeen..
Aafreen Aafreen.!

Zulf-e-jaanaa Ki Bhi Lambi Hai Dastaan,
Zulf Ki Mere Dil Par Hain Parchhaiyan,

Zulf Jaise Ke Umdi Hui Ho Ghata,
Zulf Jaise Ke Ho Koi Kaali Bala,

Zulf Uljhe To Duniya Pareshaan Ho,
Zulf Suljhe To Ye Zeest Aasaan Ho, 

Zulf Bikhre Siyah Raat Chhaane Lage,
Zulf Lahraaye To Raat Jaane Lage, 

Zulf Zanjeer Hai Phir Bhi Kitni Haseen,
Reshmeen Reshmeen, Ambareen Ambareen..
Aafreen Aafreen.!!

"Jawed Akhtar"

حسن جاناں کی تعریف ممکن نہیں،
آفریں آفریں!!

تو بھی دیکھے اگر، تو کہے ہمنشیں،
آفریں آفریں!!

ایسا دیکھا نہیں، خوبصورت کوئی،
جسم جیسے اجنتا کی مورت کوئی،

جسم جیسے نگاہوں پہ جادو کوئی
جسم نغمہ کوئی، جسم خوشبو کوئی،

جسم جیسے مچلتی ہوئی راگنی،
جسم جیسے مہکتی ہوئ چاندنی،

جسم جیسے کہ کھلتا ہوا اک چمن،
جسم جیسے کہ سورج کی پہلی کرن،

جسم ترشا ہوا، دلکش و دلنشیں،
صندلیں صندلیں، مرمریں مرمریں،
آفریں آفریں!!

چہرہ اک پھول کی طرح شاداب ہے،
چہرہ اسکا ہے یا کوئی ما ہتاب ہے،

چہرہ جیسے غزل، جہرہ جانِ غزل،
چہرہ جیسے کلی، چہرہ جیسے کنول،

چہرہ جیسے تصور بھی، تصویر بھی،
چہرہ اک خواب بھی، چہرہ تعبیر بھی،

چہرہ کوئی الف لیلوی داستاں،
چہرہ اک پل یقیں، چہرہ اک پل گماں،

چہرہ جیسا کہ چہرہ کوئی نہیں،
ماہ رو ماہ رو، مہ جبیں، مہ جبیں،
آفریں آفریں!!

آنکھیں دیکھیں تو میں دیکھتا رہ گیا،
جام دو اور دونوں ہی دو آتشہ،

آنکھیں یا میکدے کے یہ دو باب ہیں،
آنکھیں ان کو کہوں یا کہوں خواب ہیں،

آنکھیں نیجی ہوئیں تو حیا بن گئیں،
آنکھیں اونچی ہوئیں تو دعا بن گئیں،

آنکھیں اٹھ کر جھکیں تو ادا بن گئیں،
آنکھیں جھک کر اٹھیں تو قضا بن گئیں،

آنکھیں جن میں ہیں قید آسمان و زمیں،
نرگسیں نرگسیں، سرمگیں سرمگیں،
آفریں آفریں!!

زلف جاناں کی بھی لمبی ہے داستاں،
زلف کی میرے دل پر ہیں پرچھائیاں،

زلف جیسے کہ امڈی ہوئی ہو گھٹا،
زلف جیسے کہ ہو کوئی کالی بلا،

زلف الجھے تو دنیا پریشان ہو،
زلف سلجھے تو یہ زیست آسان ہو،

زلف بکھرے سیاہ رات چھانے لگے،
زلف لہرائے تو رات جانے لگے،

زلف زنجیر ہے، پھر بھی کتنی حسیں،
ریشمیں ریشمیں، عنبریں عنبریں،
آفریں آفریں..

"جاوید اختر"