Ye khaak-zaade jo rahte hain be-zabaan pade,
Ishaara kar dein to sooraj zameen pe aan pade,
Sukoot-e-zeest ko aamada-e-baghawat kar,
Lahu uchhaal ke kuchh zindagi mein jaan pade,
Humare shahar ki beenaiyon pe rote hain,
Tamaam shahar ke manzar lahu-luhaan pade,
Uthe hain haath mere hurmat-e-zameen ke liye,
Maza jab aaye ke ab paanw aasman pade,
Kisi makeen ki aamad ke intezaar mein hain,
Mere mohalle mein khaali kayi makaan pade..!!
"Rahat Indori"
No comments:
Post a Comment