Us Ne Kaha Mujh Se Tumhein Kitna Pyaar Hai,
Maine Kaha Sitaaro'n Ka Koi Shumaar Hai...
Us Ne Kaha Kaun Tumhein Hai Bahut Azeez,
Maine Kaha Dil Pe Jise Ikhtiyaar Hai...
Us Ne Kaha Kaun Sa Tohfa Hai Mann-Pasand,
Maine Kaha Wo Shaam Jo Ab Tak Udhaar Hai...
Us Ne Kaha Khizaa'n Mein Mulaqaat Ka Jawaaz,
Maine Kaha Qurb Ka Matlab Bahaar Hai...
Us Ne Kaha Saikdo'n Ghum Zindagi Mein Hain,
Maine Kaha Ke Ghum Nahi Jab Ghum-Gusaar Hai...
Us Ne Kaha Saath Kab Tak Nibhaoge,
Maine Kaha Jitne Ye Saanso'n Ke Taar Hain...
Us Ne Kaha Mujh Ko Yaqeen Aaye Kis Tarah,
Maine Kaha Ke Naam Mera Aitebaar Hai..!!
No comments:
Post a Comment