Saleeqa Deed Ka Kab Tha Tere Deedaar Se Pahlay,
Zameen Abaad Hi Kab Thi Dayaar-E-Yaar Se Pahlay...
Gulon Ne Muskurana Aur Hawa Ne Bolna Seekha,
Kise Idraak Haasil Tha Teri Guftaar Se Pahlay...
Chaman Mein Is Baras Yaaro Qayamat Kya Ajab Dekhi,
Fiza Kaanton Ne Mahkaai Gul-O-Gulzaar Se Pahlay...
Ye Meri Bad-Naseebi Hai Ya Meri Khush-Naseebi Hai,
Ke Mere Paaon Hain Zakhmi Raah-E-Purkhaar Se Pahlay...
Yahan Aa Kar Milaye Khak Mein Naam-O-Nasab Hum Ne,
Hamein Bikna Kab Aata Tha Tere Bazaar Se Pahlay..!!
No comments:
Post a Comment