Kaam Aa Sakin Na Apni Wafaa'en To Kya Karen

Kaam aa sakin na apni wafaa'en to kya karen,
Us bewafa ko bhool na jaa'en to kya karen...

Mujh ko ye aitiraaf duaa'on mein hai asar,
Jaa'en na arsh par jo duaa'en to kya karen...

Ek din ki baat ho to use bhul jaa'en hum,
Naazil hon dil pe roz balaa'en to kya karen...

Zulmat-ba-dosh hai meri dua-e-aashiqi,
Taaro'n ki mish'alein na churaa'en to kya karen...

Shab bhar to un ki yaad mein taare gina kiye,
Taare se din ko bhi nazar aa'en to kya karen...

Ahd-e-tarab ki yaad mein roya kiye bahut,
Ab muskura ke bhool na jaa'en to kya karen...

Ab ji mein hai ke un ko bhula kar hi dekh lein,
Wo baar baar yaad jo aa'en to kya karen...

Waade ke aitebaar mein taskeen-e-dil to hai,
Ab phir wahi fareb na khaa'en to kya karen...

Tark-e-wafa bhi jurm-e-mohabbat sahi magar,
Milne lagein wafa ki sazaa'en to kya karen.!!

"Akhtar Shiraani"

کام آ سکیں نہ اپنی وفائیں تو کیا کریں
اِک بےوفا کو بُھول نہ جائیں تو کیا کریں

مجھ کو یہ اعتراف ، دعاؤں میں ہے اثر
جائیں نہ عرش پر جو دعائیں تو کیا کریں

اِک دن کی بات ہو تو اُسے بھول جائیں ہم
نازل ہوں دل پہ روز بَلائیں تو کیا کریں

ظُلمت بدوش ہے مری دُنیائے عاشقی
تاروں کی مشعلیں نہ چُرائیں تو کیا کریں

شب بھر تو اُن کی یاد ميں تارے گِنا کیے
تارے سے دن میں بھی نظر آئیں تو کیا کریں

عہد ِ طرب کی یاد میں رویا کئے بہت
اب مُسکرا کے بُھول نہ جائیں تو کیا کریں

اب جی میں ہے کہ اُن کو بُھلا کر ہی دیکھ لیں
وہ بار بار یاد جو آئیں تو کیا کریں

وعدے کے اعتبار میں تسکینِ دل تو ہے
اب پھر وہی فریب نہ کھائیں تو کیا کریں

ترکِ وفا بھی جُرمِ محبّت سہی مگر
ملنے لگیں وفا کی سزائیں تو کیا کریں..

اختر شیرانی