Wo jo mere paas se ho kar kisi ke ghar gaya,
Reshmi malboos ki khushbu se jaadu kar gaya,
Ek jhalak dekhi thi us ru-e-dil-aara ki kabhi,
Phir na aankho'n se wo aisa dilruba manzar gaya,
Shahr ki galiyo'n mein gahri teergi giryaa'n rahi,
Raat baadal is tarah aaye ke main to darr gaya,
Thi watan mein muntazir jis ki koi chashm-e-haseen,
Wo musaafir jaane kis sahra mein jal kar mar gaya,
Subah-e-kaazib ki hawa mein dard tha kitna 'Muneer',
Rail ki seeti baji to dil lahu se bhar gaya.!!
"Muneer Niyazi"
No comments:
Post a Comment