Wo aur tasalli mujhe dein, un ki bala de,
Jaate hue farma to gaye sabr khuda de,
Har baat ka allah ne bakhsha hai saleeqa,
Ladna bhi maza de tera milna bhi maza de,
Is tarah bhi ghash se kahin hota hai ifaaqa,
Ya zulf sungha ya mujhe daaman ki hawa de,
Dam chadhne laga ghusse ke tewar jo banaaye,
Naazuk ho jo itna wo mujhe khaak saza de,
Kam-bakht ne sab khol diye raaz-e-mohabbat,
Ye kis ne kaha tha tujhe 'Bekhud' ko pila de.!!
"Bekhud Dehlvi"
___
Ghash = fainting, stupor, unconsciousness,
Ifaaqa = relief, recovery from a disease,
No comments:
Post a Comment