Us ka naqsha ek be-tarteeb afsaane ka tha,
Ye tamasha tha ya koi khwaab deewane ka tha,
Saare kirdaaro'n mein be-rishta ta'alluq tha koi,
Un ki be-hoshi mein ghum sa hosh aa jaane ka tha,
Ishq kya hum ne kiya aawaargi ke ahd mein,
Ek jatan bechainiyo'n se dil ko bahlaane ka tha,
Khwahishein hain ghar se bahar door jaane ki bahut,
Shauq lekin dil mein waapas laut kar aane ka tha,
Le gaya dil ko jo us mahfil ki shab main ai 'Muneer',
Us haseen ka bazm mein andaaz sharmaane ka tha.!!
"Muneer Niyazi"
No comments:
Post a Comment