Ye khushboo ke bikhar jaaney ka mausam.
Yahi mausam hai mar jaaney ka mausam.
Widaa-e-dast-o-daamaa'n ki ghadi hai
Ke laut aaya hai, ghar jaaney ka mausam.
Gino lamhey khuli aankho'n se shab ke
Ye hi sotey mein darr jaaney ka mausam.
Kayi Uljhi ruto'n ke baad aaya
Teri zulfein sanwar jaaney ka mausam.
Safar tha, kaun jaaney kis nagar mein
Wo bhool aaya nikhar jaaney ka mausam.
Zamee'n ki pyaas ko kab raas aaya
Chadhey daria utar jaaney ka mausam.
Wahi hum hein wahi maqtal ki dhaj hai
Wahi jaa'n se guzar jaaney ka mausam.
Wahi us ke safar ka tez lamha
Wahi dil ke thehar jaaney ka mausam.
Wo basti, chaand se chehrey, wo aankhein
Ye mausam hai udhar jaaney ka mausam.
Yahaan zer-e-zamee'n basney ki khwaahish
Wahaan kohsaar par jaaney ka mausam.
Qayamat hai dil-e-saada pay Mohsin
Kisi ko chhod kar jaaney ka mausam..!!
Mohsin Naqwi
یہ خوشبو کے بکھر جانے کا موسم
یہی موسم ہے ــ مر جانے کا موسم
وداعِ دست و داماں کی گھڑی ہے
کہ لَوٹ آیا ہے ــ گھر جانے کا موسم
گِنو لمحے ـ ـ کُھلی آنکھوں سے شب کے
یہ ہے سوتے میں ــ ڈر جانے کا موسم
کئی اُلجھی رُتوں کے بعد آیا
تیری زُلفیں ــ سنور جانے کا موسم
سفر تھا ـ ـ کون جانے کس نگر میں
وہ بھول آیا ــ نِکھر جانے کا موسم
زمیں کی پیاس کو کب راس آیا
چڑھے دریا اُتر جانے کا موسم
وہی ہم ہیں ـ ـ وہی مقتل کی دھج ہے
وہی جاں سے ــ گزر جانے کا موسم
وہی اُس کے سفر کا تیز لمحہ
وہی دل کے ٹھہر جانے کا موسم
یہاں زیرِ زمیں بسنے کی خواہش
وہاں کُہسار پر جانے کا موسم
وہ بستی ـ ـ چاند سے چہرے ، وہ آنکھیں
یہ موسم ہے ــ اُدھر جانے کا موسم
قیامت ہے دلِ سادہ پہ محسن
کسی کو چھوڑ کر جانے کا موسم..
محسنؔ نقوی
No comments:
Post a Comment