Us ko Fursat Hi Nahi Waqt Nikaale Mohsin,
Aise Hote Hain Bhala Chaahne Waale Mohsin,
Yaad K Dast Mein Phirta Hoon Main Nange Paaon,
Dekh To Aa Ke Kabhi Paaon Ke Chhale Mohsin,
Kho Gayi Subah Ki Ummeed Aur Ab Lagta Hai,
Hum Nahi Hongay K Jab Hongay Ujaale Mohsin,
Khaak Ko Bhi Nahi Pahunchega Koi Karbal Ki,
Ab Bhale Ek Jahaan Khoon Mein Naha Lay Mohsin,
Main Kahaan, Haakim-e-waqt Kahaan, Adal Kahaan,
Kyun Na Khalqat Ki Zubaan Par Lagein Taale Mohsin,
Wo Jo ek Shakhs Mata-e-dil-o-jaan Tha, Na Raha,
Ab Bhala Kaun Mere Dard Sambhaale Mohsin..!!
"Mohsin Naqwi"
No comments:
Post a Comment