Meri Jaan Sochti Hoon Main

Meri jaan sochti hoon main
Agar tum mil na paaye tu
Tumhaari yaad ko dil sey
Bhala kaise bhulaoun gi
Jo mausam sang terey beetey
unhain kaise bhulaon gi
Andheri raat main jugnoo
bhala kaise jalaoun gi

meri jaan sochti hoon main
Tumhain kaise bhulaaon gi
Likha jo naam hay dil per
Usey kaise mitaaoon gi
Jo aadhi umr jeeni hay
Wo main kaise bitaaon gi

Meri jaan sochti hoon main
Tumhain kaise bhulaaoon gi
Teri yaadain jo aayen gi
Mujhe pal pal rulayen gi
Merey Anchal ko kheinchain gi
Mujhe kuch gud-gudain gi

Meri jaan sochti hoon main
Tumhain kaise bhulaaon gi
Jo baatain tum sey karti hoon
bhala kis ko bataaon gi
naya jab sheyr likhoon gi
tu main kis ko sunaaun gi

meri jaan sochti hoon main
tumhain kaise bhulaaoon gi
meri jaa'n jaan lo tum bhi
tumhain na bhool paoon gi
____________________________