Kuch Bhi Ho Sakte They

Kuch Bhi Ho Sakte They Taskheer Nahi Hona Tha,
Hum Ko Yoon Dard Ki Tasweer Nahi Hona Tha,

Wo To Tum Aaye To Thoda Sa Yaqee'n Pukhta Huaa,
Hum Ne To Qaail-e-Taqdeer Nahi Hona Tha,

Hausla Haar Ke Jeena Bhi Koi Jeena Hai,
Gir Hi Padna Tha To Ta'ameer Nahi Hona Tha,

Paagla! Dekhte Rahna Tha Rawaani Ko Faqat,
Aise Dariya Se Baghalgeer Nahi Hona Tha,

Chaahte Hum To Tujhe Rok Hi Lete Lekin,
Bas Tere Paao'n Ki Zanjeer Nahi Hona Tha,

Main Jo Raanjha Na Hua Us Pe Gila Kyun Logo'n,
Us Ne Waise Bhi Meri Heer Nahi Hona Tha,

Jaise Us Shakhs Ki, Ashko'n Se Kahaani Likkhi,
Zain Yoon Us Ne To Tahreer Nahi Hona Tha..!! 

Zain Shakeel

کچھ بھی ہو سکتے تھے، تسخیر نہیں ہونا تھا!
ہم کو یوں درد کی تصویر نہیں ہونا تھا!

وہ تو تم آئے تو تھوڑا سا یقیں پختہ ہوا
ہم نے تو قائلِ تقدیر نہیں ہونا تھا!

حوصلہ ہار کے جینا بھی کوئی جینا ہے
گر ہی پڑنا تھا تو تعمیر نہیں ہونا تھا!

پاگلا ! دیکھتے رہنا تھا روانی کو فقط
ایسے، دریا سے بغلگیر نہیں ہونا تھا!

چاہتے ہم تو تجھے روک ہی لیتے لیکن
بس ترے پائوں کی زنجیر نہیں ہونا تھا!

میں جو رانجھا نہ ہوا اس پہ گلہ کیوں لوگو
اُس نے ویسے بھی مری ہیر نہیں ہونا تھا!

جیسے اُس شخص کی، اشکوں سے کہانی لکھی
زینؔ یوں اُس نے تو تحریر نہیں ہونا تھا..

زین شکیل