Jo Utar Ke Zeena-e-shaam Se

jo utar ke zeena-e-shaam se
teri chashm-e-Khush mein sama gaye
wohi jaltey bujhtey se mahar-o-maah
mere baam-o-dar ko sajaa gaye 

yeh ajeeb khel hai ishq ka
main ne aap dekhaa yeh mo'ajza
woh jo lafz meray gumaa'n mein thay
woh teri zubaan par aa gaye 

woh jo geet tum ne suna nahin
meri umr bhar ka riyaaz tha
meray dard ki thi daastaa'n
jisey tum hansi mein uda gaye 

woh chiragh-e-jaa'n kabhi jis ki lau
na kisi hawa se nigoo'n hui
teri bewafai key waswsay
usey chup ke chup ke bujhaa gaye 

woh tha chaand shaam-e-wisaal ka
ke thaa roop terey jamaal ka
meri rooh sey meri aankh tak
kisi raushni mein nahaa gaye 

ye jo bandagaan-e-niyaaz hain
ye tamaam hai woh lashkari
jinhein zindagi ne amaa'n na di
to tere huzoor mein aa gaye 

teri berukhi key dayaar mein
main hawa ke saath hawa huaa
tere aainey ki talaash mein
merey khwaab chehra ganwa gaye 

tere waswason ke fishaar mein
tera shshar-e-rang ujad gaya
meri khwahisho'n ke ghubaar mein
meray maah-o-saal-e-wafaa gaye 

woh ajeeb phool sey lafz thay
tere honth jin se mahak uthe
mere dasht-e-khwaab mein door tak
koi baagh jaisey lagaa gaye 

meri umr sey na simat sakey
meray dil mein itney sawaal thay
teray paas jitney jawaab thay
meri ek nigaah mein aa gaye..!!

جو اُتر کے زینۂِ شام سے
تیری چشمِ خوش میں سما گئے
وھی جلتے بجھتے سے مہر و ماہ
میرے بام و در کو سجا گئے

یہ عجیب کھیل ھے عشق کا
میں نے آپ دیکھا ھے یہ معجزہ
وہ جو لفظ میرے گماں میں تھے
وہ تیری زبان پر آ گئے

وہ جو گیت تم نے سنا نہیں
میری عمر بھر کا ریاض تھا
میرے درد کی تھی داستاں
جسے تم ھنسی میں اڑا گئے

وہ چراغِ جاں ، کبھی جس کی لو
نہ کسی ھوا سے نگوں ھُوئی
تیری بیوفائی کے وسوسے
اُسے چپکے چپکے بجھا گئے

وہ تھا چاند شامِ وصال کا
کہ تھا رُوپ تیرے جمال کا
میری رُوح سے میری آنکھ تک
کسی روشنی میں نہا گئے

یہ جو بندگانِ نیاز ھیں
یہ تمام ھیں وہ لشکری
جنہیں زندگی نے اماں نہ دی
تو تیرے حضور میں آ گئے

تیری بے رُخی کے دیار میں
میں ھَوا کے ساتھ ھَوا ھُوا
تیرے آئینے کی تلاش میں
میرے خواب چہرہ گنوا گئے

تیرے وسوسوں کے فشار میں
تیرا شرارِ رنگ اجڑ گیا
میری خوا ھشوں کے غبار میں
میرے ماہ و سالِ وفا گئے

وہ عجیب پھول سے لفظ تھے
تیرے ھونٹ جن سے مہک اٹھے
میرے دشتِ خواب میں دُور تک
کوئی باغ جیسے لگا گئے

میری عمر سے نہ سمٹ سکے
میرے دل میں اتنے سوال تھے
تیرے پاس جتنے جواب تھے
تیری اِک نگاہ میں آ گئے..