Socha hota khwaab dikhaney se pehle,
Aur kisi ko apna bananey se pehle,
Kuch pal us ko neend mein ghaur se dekho to,
Dheerey dheerey us ko jaganey se pehle,
Soch lo is mein koi qeemti shay hi na ho,
Dil ke shahar ko aag laganey se pehle,
Dekha, to sab tan man raakh ka dher hua,
Apne dono'n haath bachaney se pehle,
Socha, rab se us ko maang ke dekhoon to,
Sar sajdey se aaj uthaney se pehle,
Ab pachhtaney se bhi kya haasil ho ga,
Socha hota aankh milaney se pehle,
Aao aakhri baar karein hum yaad usey,
Sach much us ko aaj bhulaney se pehle.!!
_ Fakhira Batool
No comments:
Post a Comment