Apna to chaahton mein yahi ek usool hai,
Tera bhala bura humain sab kuch qubool hai,
Yeh umr bhar ka jaagna bekaar hi na jaaye,
Tu naa mila to saari riyaazat fazool hai,
Khud hi kaha tha tu ne meri jaan chhorh de,
Ab chhorh di to kyoon tera chehra malool hai,
Ai Maa yeh meri shohratain meri yeh izzatain,
Kuch bhi nahin bas tere qadmon ki dhool hai,
Aayi jo teri yaad to aankhain baras parhi,
Iss waqt tere dard ka dil per nuzool hai,
Ek doosray ke waastay donon banay "Wasi",
Guldaan mera dil hai teri yaad phool hai..!!
"Wasi Shah"
No comments:
Post a Comment