Aankh Ban Jaati Hai Saawan Ki Ghata

Aankh Ban Jaati Hai Saawan Ki Ghata Shaam Ke Baad,
Laut Jaata Hai Agar Koi Khafa Shaam Ke Baad,

Wo Jo Tal Jaati Rahi Sar Se Balaa Shaam Ke Baad,
Koi To Tha Ke Jo Deta Tha Duaa Shaam Ke Baad,

Aahein Bharti Hain Shab-E-Hijr Yateemo'n Ki Tarah,
Sard Ho Jaati Hai Har Roz Hawa Shaam Ke Baad,

Shaam Tak Qaid Raha Karte Hain Dil Ke Andar,
Dard Ho Jaate Hain Saare Hi Rihaa Shaam Ke Baad,

Log Thak Haar Ke So Jaate Hain Lekin Jaanaa,
Hum Ne Khush Ho Ke Tera Dard Saha Shaam Ke Baad,

Khwaab Takra Ke Palat Jaate Hain Band Aankho'n Se,
Jaane Kis Jurm Ki, Kis Ko Hai Saza Shaam Ke Baad,

Chaand Jab Ro Ke Sitaaro'n Se Galay Milta Hai,
Ek Ajab Rang Ki Hoti Hai Fizaa Shaam Ke Baad,

Hum Ne Tanhaai Se Poochha Ke Milo Gi Kab Tak,
Us Ne Be-Chaini Se Fauran Hi Kaha Shaam Ke Baad,

Main Agar Khush Bhi Rahun Phir Bhi Mere Seene Mein,
Sogwaari Koi Roti Hai Sada Shaam Ke Baad,

Tum Gaye Ho To Siyah Rang Ke Kapde Pehne,
Phirti Rahti Hai Mere Ghar Me Qazaa Shaam Ke Baad,

Laut Aati Hai Meri Shab Ki Ibaadat Khaali,
Jaane Kis Arsh Pe Rahta Hai Khuda Shaam Ke Baad,

Din Ajab Mutthi Mein Jakde Huye Rakhta Hai Mujhe,
Mujh Ko Is Baat Ka Ahsaas Hua Shaam Ke Baad,

Koi Bhoola Hua Ghum Hai Jo Musalsal Mujh Ko,
Dil Ke Paataal Se Deta Hai Sadaa Shaam Ke Baad,

Maar Deta Hai Ujad Jaane Ka Dohra Ahsaas, 
Kaash Ho Koi Kisi Se Na Juda Shaam Ke Baad..!!

آنکھ بن جاتی ہے ساون کی گھٹا شام کے بعد
لوٹ جاتا ہے اگر کوئی خفا شام کے بعد
وہ جو ٹل جاتی رہی سر سے بلا شام کے بعد
کوئی تو تھا کہ جو دیتا تھا دعا شام کے بعد
آہیں بھرتی ہے شب ہجر یتیموں کی طرح
سرد ہو جاتی ہے ہر روز ہوا شام کے بعد
شام تک قید رہا کرتے ہیں دل کے اندر
درد ہو جاتے ہیں سارے ہی رہا شام کے بعد 
لوگ تھک ہار کے سو جاتے ہیں لیکن جاناں
ہم نے خوش ہو کے ترا درد سہا شام کے بعد
خواب ٹکرا کے پلٹ جاتے ہیں بند آنکھوں سے
جانے کس جرم کی کس کو ہے سزا شام کے بعد
چاند جب رو کے ستاروں سے گلے ملتا ہے
اک عجب رنگ کی ہوتی ہے فضا شام کے بعد
ہم نے تنہائی سے پوچھا کہ ملو گی کب تک
اس نے بے چینی سے فورا ہی کہا شام کے بعد
میں اگر خوش بھی رہوں پھر بھی مرے سینے میں
سوگواری کوئی روتی ہے سدا شام کے بعد
تم گئے ہو تو سیہ رنگ کے کپڑے پہنے
پھرتی رہتی ہے مرے گھر میں قضا شام کے بعد
لوٹ آتی ہے مری شب کی عبادت خالی
جانے کس عرش پہ رہتا ہے خدا شام کے بعد
دن عجب مٹھی میں جکڑے ہوئے رکھتا ہے مجھے
مجھ کو اس بات کا احساس ہوا شام کے بعد
کوئی بھولا ہوا غم ہے جو مسلسل مجھ کو
دل کے پاتال سے دیتا ہے صدا شام کے بعد
مار دیتا ہے اجڑ جانے کا دہرا احساس
کاش ہو کوئی کسی سے نہ جدا شام کے بعد..
____________________________________