Mohabbat Ke Ta'aqqub Mai
Bala-e-Taaq Rakh Di Thi
Anaa Apni, Khudi Apni...
Ye Meri Khush-Gumaani Thi
K Tum Meri Sadaao'n Par
Kisi Lamha To Paltogey
Kisi Pal Mud Ke Dekhogey
Bil-Aakhir Laut Aaogey.....
Magar Kuch Is Tarah
Tum Ne Hunar Seekha.....
Nazar-Andaaz Karney Ka
Mujhey Mayoos Karney Ka
Meri Tahqeer Karney Ka
Meri Tazleel Karney Ka
Magar Chhodo Bhi..Jaaney Do
Meri Ujdi Hui Qismat Mai
Chahat Hi Nahi Shayad
Faqat........Itna Bata Do...
Ke....
Mohabbat Hum Ne Ki Thi Na..!!
No comments:
Post a Comment