Zameen Uthaunga Aur Aasmaan Pe Rakh Dunga

Zamee'n Uthaunga Aur Aasmaa'n Pey
Rakh Dunga...
Jahaan Ki Cheez Hai Ja Key Wahaan Pey
Rakh Dunga...

Merey Khilaaf Koi Faisla To Honey
Do...
Mai Sar Ko Kaat Key Nauk-E-Sinaa'n Pey
Rakh Dunga...

Mai Ghar Key Saath Banaunga Ek
Chhoti Dukaa'n...
Phir Apney Khwaab Utha Kar Dukaa'n Pey
Rakh Dunga...

Mujhey Duaa Pey Zara Bhi Yaqeen Nahi
Hai Magar...
Jo Tu Kahey To Diya Aastaa'n Pey
Rakh Dunga...

Ye Aag Meri Nahi Jis Ki Hai Utha Lo
Miyaa'n...
Mai Sar'phira Hun Na Jaaney Kahaan Pey
Rakh Dunga..!!