Mahaktey Phool

1- Ek Ratti Nahi..............Badalney Ka,
Laakh Tum Mujh Ko Na-pasand Karo.!!
___

2- Is Taur Se Tumharey To Martey
Nahi Hain Hum...

Ab Waastey Humarey Nikaalo Zafa
Kuch Aur..!!
___

3- Ghair Se Dekhiye Kya Khoob Nibaahi
Uss Ne...

Na Sahi Hum Se Par, Uss Butt Mai Wafa
Hai To Sahi..!!

Mirza Ghalib~
___

4- Kabhi Ye Haal K Dono Mai Yak Dili
Thi Bahut...

Kabhi Ye Marhala Jaisey K Aashnaai
Na Thi.!!
___

5- Pas-E-Parda Bhi Takallum Se
Gurezaa'n Rahna...

Log Aawaaz Se Tasweer Bana
Letey Hain.!!
___

6- Phir Us Ke Baad Mujhey Harf Harf
Hona Hai...

Tumharey Haath Mai Deewaan Kuch
Dino'n Ka Hun.!!
___

7- Zamee'n Pairo'n Se Kitni Baar Ek Din
Mai Nikalti Hai...

Mai Aisey Haadso'n Par Dil Magar Chhota
Nahi Karta..!!
___

8- Tum To Bichhad Ke Aur Bhi Nazdeek
Aa Gaye...

Merey Liye To Sadma Bhi Sadma Nahi
Raha..!!
___

9- Khatka Hai Judaai Ka Na Milney Ki
Tamanna...
Dil Ko Merey Waham-O-Gumaa'n Aur
Tarah Key...
Marta Nahi Koi Kisi Key Liye Naasir...
They Apney Zamaaney Ke Jawaa'n Aur
Tarah Key..!!
___

10- Apney Samaan Ko Baandhey Huye
Is Soch Mai Hun...

Jo Kahi'n Ke Nahi Rakhtey Wo Kahaan
Jaatey Hain.!!
___

11- Umr-E-Rafta Na Kabhi Aai
Manaaney Ke Liye...

Muddatein Guzri'n K Jeeney Se
Khafa Rahta Hun.!!!
___

12- Jala Ke Shamma-E-Wafa Mutmaeen
Tha Deewana...

Magar Hawa-E-Mukhalif Pe Zor Kis
Ka Hai.!!
___

13- Kuch Hona Mera Zillat-O-Khwaari
Ka Sabab Hai...

Ye Hai Mera Aizaaz K Mai Kuch Bhi
Nahi Hun..!!
___

14- Zaruriyaat-E-Jahaan Hum Se
Poochhne Waaley...

Tujhey Ye Kaise Bataayen K Tu
Zaruri Hai..!!
___

15- Hausla Dene Jo Aatey Hain, Bataayen
Unhein Kya...

Hum To Himmat Hi Nahi, Khwaab Bhi
Haarey Huye Hain..!!
___