Kis Mod Par Mile Ho

Kis Mod Par Mile Ho.?..

Wo Khwaab Ka Zamaana
Wo Roop Ka Khazaana
Sab Kuch Luta Chuke Hum
Ye Jism-o-Jaan Jaanaa,

Kis Mod Par Mile Ho.?..

Kya Naam Hai Tumhaara
Kis Naam Se Pukaarun
Kis Tarah Tujh Ko Jeetu'n
Kis Tarah Tujh Ko Haaru'n,

Kis Mod Par Mile Ho.?..

Darwaaza Kaise Kholu'n
Dastak Na Do Khudaara
Ye Qufl-e-Qaid-e-Hasti
Qismat Par Kis Ko Yaara,

Kis Mod Par Mile Ho.?..

Ab Dil Ki Waadiyo'n Ke
Jugnoo Bhi So Chuke Hain
Khwaabo'n Ke Sab Jazeere
Veeraan Ho Chuke Hain,

Kis Mod Par Mile Ho.?..

Mud Kar Bhi Aana Chaahu'n
Mud Kar Bhi Aa Na Paau'n
Daaman Bachaana Chaahu'n
Daaman Chhuda Na Paau'n,

Kis Mod Par Mile Ho..!!

_ Bushra Rahman

کس موڑ پر ملے ہو ؟
وہ خواب کا زمانہ
وہ رُوپ کا خزانہ
سب کچھ لُٹا چکے ہم
یہ جسم و جاں جاناں
کس موڑ پر ملے ہو ؟
کیا نام ہے تمہارا
کس نام سے پُکاروں
کس طرح تجھ کو جیتوں
کس طرح تجھ کو ہاروں
کس موڑ پر ملے ہو ؟
دروازہ کیسے کھولوں
دستک نہ دو خدارا
یہ قفلِ قیدِ ہستی
قسمت پر کس کو یارا
کس موڑ پر ملے ہو ؟
اب دل کی وادیوں کے
جُگنو بھی سو چکے ہیں
خوابوں کے سب جزیرے
ویران ہو چکے ہیں
کس موڑ پر ملے ہو ؟
مڑ کر بھی آنا چاہوں
مڑ کر بھی آ نہ پا ؤں
دامن بچانا چاہوں
دامن چُھڑا نہ پاؤں
کس موڑ پر ملے ہو ؟

_ بشریٰ رحمان

____________________________