Ab Wo Zebaaishein Kahaan Baaqi

Ab Wo Zebaa'ishein Kahaan Baaqi, 
Dil Ki Farma'ishein Kahaan Baaqi,

Yunhi Khud-Saakhta Sa Hansta Hoon,
Warna Gunja'ishein Kahaan Baaqi,

Koi Kah De To Muskuraata Hoon,
Khud Mein Ab Khwaahishein Kahaan Baaqi,

Dastaras Mein Hayaat Hai Lekin,
Is Ki Aaraa'ishein,
Raunaqein Dekhne Mein Jopan Par,
Kal Si Garmaa'ishein Kahaan Baaqi,
Saari Aaloodgi Hai Yaado'n Ki,
Nayi Aalaa'ishein Kahaan Baaqi,

Ye Nami Ghair Ka Hi Ghum Hoga,
Ab Ye Aasaa'ishein Kahaan Baaqi,

Roz-o-shab Aaj Bhi Hain Pahle Se,
In Ki Paimaa'ishein Kahaan Baaqi,

Harf Saare Tere Wahi "Abrak",
Par Wo Fahma'ishen Kahaan Baaqi..!!

اب وہ زیبائشیں کہاں باقی

دل کی فرمائشیں کہاں باقی

یونہی خود ساختہ سا ہنستا ہوں

ورنہ گنجائشیں کہاں باقی

کوئی کہہ دے تو مسکراتا ہوں

خود میں اب خواہشیں کہاں باقی

دسترس میں حیات ہے لیکن

اس کی آرائشیں کہاں باقی

رونقیں دیکھنے میں جوبن پر

کل سی گرمائشیں کہاں باقی

ساری آلودگی ہے یادوں کی

نئی آلائشیں کہاں باقی

یہ نمی غیر کا ہی غم ہو گا

اب یہ آسائشیں کہاں باقی

روز و شب آج بھی ہیں پہلے سے

اِن کی پیمائشیں کہاں باقی

حرف سارے ترے وہی ابرک

پر وہ فہمائشیں کہاں باقی.!!