Ek Misra'a Hua Udaasi Ka

Ek Misra'a Hua Udaasi Ka
Phir Samaa Bandh Gaya Udaasi Ka,

Do Hi Mausam To Hain Zamaane Mein
Ek Sukh, Doosra Udaasi Ka.

Shaam Utri To Yaad Aaya Hai
Lafz Be-saakhta Udaasi Ka,

Hum Ne Daali Hai Khaak Dariya Par
Hum Ne Chashma Buna Udaasi Ka,

Us Ko Jaate Huye Nahi Dekha
Dekh Ab Raasta Udaasi Ka,

Phool Rukhsat Huye Hain Yaado'n Ke
Bujh Gaya Silsila Udaasi Ka,

Khaak Par Naqsh Kaadhta Hoon Main
Naqsh Be-dast-o-paa Udaasi Ka,

Baandhta Haath Koi Wahshat Ke
Munh Koi Nochta Udaasi Ka,

Dekhne Aaya Aaftaab Usey
Ye Aizaaz Tha Udaasi Ka,

Matan Se Mitt Gayin Hain Tahreerein
Haashiya Bach Gaya Udaasi Ka,

Raat Simti Rahi Kinaaro'n Par
Chaand Jalta Raha Udaasi Ka,

Titliyo'n Ke Shikasta Par Le Kar
Hum Ne Noha Likha Udaasi Ka,

Us Ne Bas Ek Nigaah Daali Thi
Aur Dum Ghutt Gaya Udaasi Ka,

Baat Hai Dasht Se Mohabbat Ki Ghum Hai Aatish Ba-paa Udaasi Ka,

Kheenchta Hoon Lakeer Wahshat Ki
Dekh Kar Zaaicha Udaasi Ka,

Mere Ghar Ki Munder Par Shab Bhar
Raqs Hota Raha Udaasi Ka,

Tum Ne Apne Liye Uthayi Khushi
Hum Ne Rasta Chuna Udaasi Ka,

Jab Na Kuch Ban Saka Udaasi Ka
Shab Ne Maatam Kiya Udaasi Ka,

Raat, Sahra, Ghubaar, Tanhaai
Ek Ajab Silsila Udaasi Ka,

Maine Jab Neend Mez Par Rakh Di
Ek Manzar Khula Udaasi Ka,

Tum Tamanna Ke Marghuzaar Mai Gum
Hum Pe Saaya Raha Udaasi Ka,

Hum Ne Dariya Ko Raakh Kar Ke Miyaa'n
Chakh Liya Zaaiqa Udaasi Ka,

Ye Mere Ghar Ka Raasta Hai Miyaa'n
Raasta Be-bahaa Udaasi Ka..!!
__

~Abdurrahman Waasif~

ایک مصرع ہوا اداسی کا
پھر سماں بندھ گیا اداسی کا
دو ہی موسم تو ہیں زمانے میں
ایک سکھ ، دوسرا اداسی کا
شام اتری تو یاد آیا ہے
لفظ بے ساختہ اداسی کا
تم نے ڈالی ہے خاک دریا پر
ہم نے چشمہ بُنا اداسی کا
اس کو جاتے ہوئے نہیں دیکھا
دیکھ اب راستہ اداسی کا
پھول رخصت ہوئے ہیں یادوں کے
بجھ گیا سلسلہ اداسی کا
خاک پر نقش کاڑھتا ہوں میں
نقش بے دست و پا اداسی کا
باندھتا ہاتھ کوئی وحشت کے
منہ کوئی نوچتا اداسی کا
دیکھنے آیا آفتاب اسے
یہ بھی اعزاز تھا اداسی کا
متن سے مٹ گئی ہیں تحریریں
حاشیہ بچ گیا اداسی کا
رات سمٹی رہی کناروں پر
چاند جلتا رہا اداسی کا
تتلیوں کے شکستہ پر لے کر
ہم نے نوحہ لکھا اداسی کا
اس نے بس اک نگاہ ڈالی تھ
یاور دم گھٹ گیا اداسی کا
بات ہے دشت سے محبت کی
غم ہے آتش بہ پا اداسی کا
کھینچتا ہوں لکیر وحشت کی
دیکھ کر زائچہ اداسی کا
میرے گھر کی منڈیر پر شب بھ
ررقص ہوتا رہا اداسی کا
تم نے اپنے لیے اٹھائی خوشی
ہم نے رستا چنا اداسی کا
جب نہ کچھ بن سکا اداسی کا
شب نے ماتم کیا اداسی کا
رات، صحرا، غبار، تنہائی
اک عجب سلسلہ اداسی کا
میں نے جب نیند میز پر رکھ دی
ایک منظر کھلا اداسی کا
تم تمنا کے مرغزار میں گم
ہم پہ سایہ رہا اداسی کا
ہم نے دریا کو راکھ کر کے میاں
چکھ لیا ذائقہ اداسی کا
یہ مرے گھر کا راستہ ہے میاں
راستہ بے بہا اداسی کا...