Khwaabon Ki Dekh Bhaal Mein Aankhain Ujad Gayin

Khwaabon Ki Dekh Bhaal Mein Aankhain Ujad Gayin,
Tanhaaiyon Ki Dhoop Ne Chehra Jala Diya,
Lafzon Ke Jodne Mein Ibaarat Bikhar Chali,

Aaine Dhoondhne Mein Kayi Aks Kho Gaye,
Aaye Na Phir Bhi Laut Ke Ek Baar Jo Gaye,

Wo Din, Wo Waqt, Wo Rut, Wo Mausam, Wo Sar-kashi,

Ai Gardish-e-hayaat Ai Raftaar-e-Maah-o-saal,

Kya Jamaa Is Zameen Pe Honge Na Phir Kabhi,
Jo Humsafar Firaaq Ki Daldal Mein Kho Gaye,

Patte Jo Gir Ke Ped Se, Rasto'n Ke Ho Gaye,

Kya Phir Kabhi Na Laut Ke Aayegi Wo Bahaar,

Kya Phir Kabhi Na Aankh Mein Utregi Wo Dhanak,

Jis Ke Wufoor-E-Rang Se Jhalki Huyi Hawa,
Karti Hai Aaj Tak,
Ek Zulf Mein Sajaaye Huye Phoolon Ka Intezaar,

Lamhe Zamaan-e-hijr Ke Phaile Kuch Is Tarah,
Reeg-e-rawaan-e-dast Ki Timsaal Ho Gaye,

Is Dasht Par Saraab Mein Bhatke Hain Is Qadar,
Naqsh-e-qadam They Jitne Bhi, Paamaal Ho Gaye,

Ab To Kahin Pe Khatm Ho Rasta Gumaan Ka,
Sheeshe Mein Dil Ke Saare Yaqeen Baal Ho Gaye,

Jis Waaqiye Ne Aankh Se Chheeni Thi Meri Neend,
Us Waaqiye Ko Ab To Kayi Saal Ho Gaye..!!

خوابوں کی دیکھ بھال میں آنکھیں اُجڑ گئیں
تنہائیوں کی دُھوپ نے چہرا جلا دیا
لفظوں کے جوڑنے میں عبارت بکھر چلی
آئینے ڈھونڈنے میں کئی عکس کھو گئے
آئے نہ پھر وہ لوٹ کے اِک بار جو گئے
وہ دن، وہ وقت ، وہ رُت ، وہ موسم ، وہ سرکشی
اے گردشِ حیات ، اے رفتارِ ماہ و سال
کیا جمع اِس زمین پہ ہوں ہو نگے نا پھر کبھی
جو ہمسفر فراق کی دلدل میں کھو گئے
پتے جو گِر کے پیڑ سے رستوں کے ہو گئے
کیا پھر کبھی نہ لوٹ کے آئے گی وہ بہار
کیا پھر کبھی نہ آنکھ میں اُترے گی وہ دھنک
جس کے وُفورِ رنگ سےجھلکی ہوئی ہوا
کرتی ہے آج تک
اِک زُلف میں سجائے ہوئے پھولوں کا انتظار
لمحے زمانِ ہجر کے پھیلے کچھ اس طرح
ریگِ روانِ دشت کی تمثال ہو گئے
اِس دشت پر سراب میں بھٹکے ہیں اس قدر
نقشِ قدم تھے جتنے بھی، پا مال ہو گئے
اب تو کہیں پہ ختم ہو رستہ گمان کا
شیشے میں دل کے سارے یقین بال ہو گئے
جس واقعے نے آنکھ سے چھینی تھی میری نیند
اِس واقعے کو اب تو۔۔۔ کئی سال ہو گئے..!!