Bas Ek Shakhs Hi Kul-Kaainat Ho Jaise,
Nazar Na Aaye To Din Mein Bhi Raat Ho Jaise,
Mere Labo'n Pe Tabassam Hai Mojzaa'n Ab Tak,
K Dil Ka Tootna Chhoti Si Baat Ho Jaise,
Shab-E-Firaaq Mujhe Aaj Yoon Daraati Hai,
Tere Baghair Meri Pehli Raat Ho Jaise,
Usi Ki Yaad Ki Ye Bhi To Ek Karaamat Hai,
Hazaar Meel Pe Ho Kar Bhi Saath Ho Jaise,
Tera Sulook Mujhe Roz Zakhm Deta Hai,
Kisi Ko Pehli Mohabbat Mein Maat Ho Jaise,
Humare Dil Ko Koi Maangne Na Aaya 'Mohsin'
Kisi Ghareeb Ki Beti Ka Haath Ho Jaise..!!
_____________________________
No comments:
Post a Comment