Banjaare Hain Rishton Ki Tijaarat Nahi Karte,
Hum Log Dikhaawe Ki Mohabbat Nahi Karte,
Milna Hai To Aa Jeet Le Maidaan Mein Mujh Ko,
Hum Apne Qabeele Se Baghaawat Nahi Karte,
Toofaan Se Ladne Ka Tareeqa Hai Zaroori,
Hum Doobne Waalo'n Ki Himaayat Nahi Karte,
Palko'n Pe Sitaare Hain, Shabnam Hai, Na Jugnoo,
Is Tarah To Dushman Ko Bhi Rukhsat Nahi Karte,
Har Samt Mein Logon Ki Ajab Bheed Hai Mohsin,
Hum Itne Khudaaon Ki Ibaadat Nahi Karte...!!
__________________________
No comments:
Post a Comment