Aap Is Tarah To Hosh Udaaya Na Kijiye

Aap Is Tarah To Hosh Udaaya Na Kijiye
Yoon Ban Sanwar Ke Saamne Aaya Na Kijiye,

Ya Sar Pe Aadmi Ko Bithaaya Na Kijiye
Ya Phir Nazar Se Us Ko Giraaya Na Kijiye,

Yoon Mad Bhari Nigaah Uthaaya Na Kijiye
Peena Haraam Hai To Pilaaya Na Kijiye,

Kahiye To Aap Mahw Hain Kis Khyaal Mein
Hum Se To Dil Ki Baat Chhupaaya Na Kijiye,

Teegh-e-sitam Se Jo Kaam Lena Tha Le Chuke
Ahl-e-wafa Ka Yoon To Safaaya Na Kijiye,

Main Aap Ka, Ghar Aap Ka, Aayen Hazaar Baar
Lekin Kisi Ki Baat Mein Aaya Na Kijiye,

Uth Jaayenge Hum Aap Ki Mahfil Se Aap Hi
Dushman Ke Ru-ba-ru To Bithaaya Na Kijiye,

Dil Door Ho'n To Haath Milaane Se Faayeda.??
Rasman Kisi Se Haath Milaaya Na Kijiye,

Mahroom Ho'n Litaafat-e-fitrat Se Jo "Naseer"
Un Be-hiso'n Ko Sheyr Sunaaya Na Kijiye..!!

( Sayyad Naseeruddin Naseer )

آپ اِس طرح تو ہوش اُڑایا نہ کیجیے،
یُوں بن سنور کے سامنے آیا نہ کیجیے،
یا سر پہ آدمی کو بِٹھایا نہ کیجیے،
یا پھر نظر سے اُس کو گِرایا نہ کیجیے،
یُوں مَد بھری نِگاہ اُٹھایا نہ کیجیے،
پینا حرام ہے تو پلایا نہ کیجیے،
کہیے تو آپ محو ہیں کس خیال میں،
ہم سے تو دِل کی بات چُھپایا نہ کیجیے،
تیغِ سِتم سے جو کام لینا تھا لے چُکے،
اہلِ وفا کا یُوں تو صفایا نہ کیجیے،
مَیں آپ کا، گھر آپ کا، آئیں ہزار بار،
لیکن کسی کی بات میں آیا نہ کیجیے،
اُٹھ جائیں گے ہم آپ کی محفل سے آپ ہی،
دُشمن کے رُوبرو تو بِٹھایا نہ کیجیے،
دِل دور ہوں تو ہاتھ مِلانے سے فائدہ.؟؟
رسمً کسی سے ہاتھ مِلایا نہ کیجیے،
محروم ہوں لِطافتِ فطرت سے جو نصیرؔ،
اُن بے حسوں کو شعر سنایا نہ کیجیے...!!

_______________