Udaas Lamhay

Armaa'n Tamaam Umr Key Seeney
Mai Dafan Hain...
.
Hum Chaltey Phirtey Log Mazaaro'n
Sey Kam Nahi.!
_______________________________________

Ghum-E-Zeest Na Puchhiye Hum Sey,
Apney Hissey Mai Be-Hisaab Aaya.
.
Mera Khat Tha Jo Tuney Lautaya,
Log Samjhey Tera Jawaab Aaya..!!
_______________________________________

Tere aane ki kya ummeed magar,

Kaise kah doon ke intezar nahin.!
_______________________________________

Bhool Jana .. Bhula Dena ..Faqat Ek
Wehem Hi To Hai...

Dilo'n Se Kab Nikaltey Hain Mohabbat
Jin Se Ho Jaye.!!
_______________________________________

Hum Khiza’n Sey Nibaah Kar Lengey,

Tu Bahaaro'n Ko Saath Leta Ja..!!
______________________________________

Hijr Ki Raat Hai Aur Un Key Tasawwur
Ka Charaagh...

Bazm Ki Bazm Hai, Tanhaai Ki
Tanhaai Hai.!!
________________________________________

Ta'alluq Khwaah Kaisa Ho
Bil-Aakhir
Toot Jaata Hai,
Tabiyat Bhar Hi Jaati Hai...
.
Koi Maaney Na Maaney Par
Mohabbat
Mar Hi Jaati Hai.!!
_______________________________

Mohabbat Dekh Li Hum Ney Zamaaney
Bhar Key Logo'n Ki...
.
Jahaan Kuch Daam Zyada Ho Wahaan
Insaan Bikta Hai.!!
___________________________________

Zindgi Ki Raaho'n Mai Kuchh
Muqaam Aatey Hain...Log Rooth
Jaatey Hain,
Saath Chhoot Jaatey Hain...
.
Zindgi Key Sab Hi Pal Be-Muraad
Lagtey Hain,
Din Udaas Lagtey Hain..!!
_____________________________

Zarf Ki Baat Hai
Kaanto'n Ki Khalish Dil
Mai Liye
Log Miltey Hain Tar-O-Taaza
Gulaabo'n Ki Tarah.!!
__________________________

Ye Hum Hi Hain K Tera Dard
Chhupa Kar Dil Mai...
.
Kaam Duniya Key Ba-Dastoor
Kiye Jaatey Hain.!

____________________________