Tum se pahle wo jo ek shakhs yahaan takht-nasheen tha,
Us ko bhi apne khuda hone pe itna hi yaqeen tha...
Koi thehra ho jo logon ke muqaabil to batao,
Wo kahaan hain ke jinhein naaz bahut apne ta'in tha...
Aaj soye hain tah-e-khaak na jaane yahaan kitne,
Koi shola koi shabnam koi mahtab-jabeen tha...
Ab wo phirte hain isi shahar mein tanha liye dil ko,
Ek zamane mein mizaaj un ka sar-e-arsh-e-bareen tha...
Chhodna ghar ka humein yaad hai 'Jalib' nahin bhoole,
Tha watan zehn mein apne koi zindaan to nahin tha.!!
"Habeeb Jalib"
No comments:
Post a Comment