Wo Zamana Nazar Nahin Aata

Wo zamana nazar nahin aata,
Kuchh thikana nazar nahin aata.!

Jaan jaati dikhaai deti hai,
Un ka aana nazar nahin aata.!

Ishq dar-parda phoonkta hai aag,
Ye jalana nazar nahin aata.!

Ek zamana meri nazar mein raha,
Ek zamana nazar nahin aata.!

Dil ne is bazm mein bitha to diya,
Uth ke jaana nazar nahin aata.!

Rahiye mushtaaq-e-jalwa-e-deedar,
Hum ne maana nazar nahin aata.!

Le chalo mujh ko rah-rawaan-e-adam,
Yaan thikana nazar nahin aata.!

Dil pe baitha kahaan se teer-e-nigah,
Ye nishana nazar nahin aata.!

Tum milaoge khaak mein hum ko,
Dil milana nazar nahin aata.!

Aap hi dekhte hain hum ko to,
Dil ka aana nazar nahin aata.!

Dil-e-pur-aarzu luta ai 'Dagh',
Wo khazana nazar nahin aata.!!

"Dagh Dehlvi"
_______________

Mushtaaq-e-jalwa-e-deedar = eager for sight of effulgence,
Rah-rawaan-e-adam = companions on journey to death,
Dil-e-pur-aarzu = heart full of desires,
____________________

وہ زمانہ نظر نہیں آتا
کچھ ٹھکانا نظر نہیں آتا..

جان جاتی دکھائی دیتی ہے
ان کا آنا نظر نہیں آتا..

عشق درپردہ پھونکتا ہے آگ
یہ جلانا نظر نہیں آتا..

اک زمانہ مری نظر میں رہا
اک زمانہ نظر نہیں آتا..

دل نے اس بزم میں بٹھا تو دیا
اٹھ کے جانا نظر نہیں آتا..

رہیے مشتاق جلوۂ دیدار
ہم نے مانا نظر نہیں آتا..

لے چلو مجھ کو راہروان عدم
یاں ٹھکانا نظر نہیں آتا..

دل پہ بیٹھا کہاں سے تیر نگاہ
یہ نشانہ نظر نہیں آتا..

تم ملاؤگے خاک میں ہم کو
دل ملانا نظر نہیں آتا..

آپ ہی دیکھتے ہیں ہم کو تو
دل کا آنا نظر نہیں آتا..

دل پر آرزو لٹا اے داغؔ
وہ خزانہ نظر نہیں آتا..