Uzr Un Ki Zabaan Se Nikla

Uzr un ki zabaan se nikla,
Teer goya kamaan se nikla..

Wo chhalawa is aan se nikla,
Al-amaan har zabaan se nikla..

Khaar-e-hasrat bayaan se nikla,
Dil ka kaanta zabaan se nikla..

Fitnagar kya makaan se nikla,
Aasman aasman se nikla..

Aa gaya ghash nigaah dekhte hi,
Muddaa kab zabaan se nikla..

Kha gaye the wafa ka dhokha hum,
Jhooth sach imtihaan se nikla..

Dil mein rahne na dun tera shikwa,
Dil mein aaya zabaan se nikla..

Wahm aate hain dekhiye kya ho,
Wo akela makaan se nikla..

Tum baraste rahe sar-e-mahfil,
Kuchh bhi meri zabaan se nikla..

Sach to ye hai muaamla dil ka,
Baahar apne gumaan se nikla..

Us ko aayat hadees kya samjhein,
Jo tumhaari zabaan se nikla..

Pad gaya jo zabaan se teri harf,
Phir na apne makaan se nikla..

Dekh kar ru-e-yaar salle-ala,
Be-tahasha zabaan se nikla..

Lo qayamat ab aai wo kaafir,
Ban-bana kar makaan se nikla..

Mar gaye hum magar tera armaan,
Dil se nikla na jaan se nikla..

Rahraw-e-rah-e-ishq the laakhon,
Aage main karwaan se nikla..

Samjho patthar ki tum lakeer use,
Jo humari zabaan se nikla..

Bazm se tum ko le ke jayenge,
Kaam kab phool-paan se nikla..

Kya murawwat hai naawak-e-dil-doz,
Pahle hargiz na jaan se nikla..

Tere deewanon ka bhi lashkar aaj,
Kis tajammul se shaan se nikla..

Mud ke dekha to main ne kab dekha,
Door jab paasbaan se nikla..

Wo hile lab tumhaare waade par,
Wo tumhaari zabaan se nikla..

Us ki baanki ada ne jab maara,
Dam mera aan taan se nikla..

Mere aansu ki us ne ki taareef,
Khoob moti ye kaan se nikla..

Hum khade tum se baatein karte the, 
Ghair kyun darmiyaan se nikla..

Zikr ahl-e-wafa ka jab aaya,
'Dagh' un ki zabaan se nikla.!!

"Dagh Dehlvi"
_______________

Uzr = excuse, apology, plea,
Al-amaan = refuse,
Rahraw-e-rah-e-ishq = traveller on the path of love,
Naawak-e-dil-doz = dart piercing heart,
Tajammul = magnificence, dignity,
____________________

عذر ان کی زبان سے نکلا
تیر گویا کمان سے نکلا..

وہ چھلاوا اس آن سے نکلا
الاماں ہر زبان سے نکلا..

خار حسرت بیان سے نکلا
دل کا کانٹا زبان سے نکلا..

فتنہ گر کیا مکان سے نکلا
آسماں آسمان سے نکلا..

آ گیا غش نگاہ دیکھتے ہی
مدعا کب زبان سے نکلا..

کھا گئے تھے وفا کا دھوکا ہم
جھوٹ سچ امتحان سے نکلا..

دل میں رہنے نہ دوں ترا شکوہ
دل میں آیا زبان سے نکلا..

وہم آتے ہیں دیکھیے کیا ہو
وہ اکیلا مکان سے نکلا..

تم برستے رہے سر محفل
کچھ بھی میری زبان سے نکلا..

سچ تو یہ ہے معاملہ دل کا
باہر اپنے گمان سے نکلا..

اس کو آیت حدیث کیا سمجھیں
جو تمہاری زبان سے نکلا..

پڑ گیا جو زباں سے تیری حرف
پھر نہ اپنے مکان سے نکلا..

دیکھ کر روئے یار صل علیٰ
بے تحاشا زبان سے نکلا..

لو قیامت اب آئی وہ کافر
بن بنا کر مکان سے نکلا..

مر گئے ہم مگر ترا ارمان
دل سے نکلا نہ جان سے نکلا..

رہرو راہ عشق تھے لاکھوں
آگے میں کاروان سے نکلا..

سمجھو پتھر کی تم لکیر اسے
جو ہماری زبان سے نکلا..

بزم سے تم کو لے کے جائیں گے
کام کب پھول پان سے نکلا..

کیا مروت ہے ناوک دل دوز
پہلے ہرگز نہ جان سے نکلا..

تیرے دیوانوں کا بھی لشکر آج
کس تجمل سے شان سے نکلا..

مڑ کے دیکھا تو میں نے کب دیکھا
دور جب پاسبان سے نکلا..

وہ ہلے لب تمہارے وعدے پر
وہ تمہاری زبان سے نکلا..

اس کی بانکی ادا نے جب مارا
دم مرا آن تان سے نکلا..

میرے آنسو کی اس نے کی تعریف
خوب موتی یہ کان سے نکلا..

ہم کھڑے تم سے باتیں کرتے تھے
غیر کیوں درمیان سے نکلا..

ذکر اہل وفا کا جب آیا
داغؔ ان کی زبان سے نکلا..