Un Ke Ek Jaan-nisaar Hum Bhi Hain

Un ke ek jaan-nisaar hum bhi hain..
Hain jahaan sau hazaar hum bhi hain,

Tum bhi bechain hum bhi hain bechain.. 
Tum bhi ho be-qaraar hum bhi hain,

Ai falak kah to kya iraada hai..
Aish ke khwast-gaar hum bhi hain,

Kheench layega jazb-e-dil un ko..
Hama tan intizaar hum bhi hain,

Bazm-e-dushman mein le chala hai dil..
Kaise be-ikhtiyaar hum bhi hain,

Shahar khaali kiye dukaan kaisi..
Ek hi baada-khwar hum bhi hain,

Sharm samjhe tere taghaful ko..
Wah kya hoshiyaar hum bhi hain,

Haath hum se milao ai musa..
Aashiq-e-ru-e-yaar hum bhi hain,

Khwahish-e-baada-e-tuhoor nahin..
Kaise parhez-gaar hum bhi hain,

Tum agar apni goon ke ho mashooq..
Apne matlab ke yaar hum bhi hain,

Jis ne chaaha phansa liya hum ko..
Dilbaro'n ke shikaar hum bhi hain,

Aai may-khaane se ye kis ki sada..
Laao yaaron ke yaar hum bhi hain,

Le hi to legi dil nigaah teri..
Har tarah hoshiyaar hum bhi hain,

Idhar aa kar bhi faatiha padh lo..
Aaj zer-e-mazaar hum bhi hain,

Ghair ka haal poochhiye hum se..
Us ke jalse ke yaar hum bhi hain,

Kaun sa dil hai jis mein 'Dagh' nahin..
Ishq mein yaadgar hum bhi hain.!!

"Dagh Dehlvi"
_______________

Khwast-gaar = seeker, solicitor, desirous,
Khwahish-e-baada-e-tuhoor = desire for pure wine,
_____________________

ان کے اک جاں نثار ہم بھی ہیں
ہیں جہاں سو ہزار ہم بھی ہیں..

تم بھی بے چین ہم بھی ہیں بے چین
تم بھی ہو بے قرار ہم بھی ہیں..

اے فلک کہہ تو کیا ارادہ ہے
عیش کے خواست گار ہم بھی ہیں..

کھینچ لائے گا جذب دل ان کو
ہمہ تن انتظار ہم بھی ہیں..

بزم دشمن میں لے چلا ہے دل
کیسے بے اختیار ہم بھی ہیں..

شہر خالی کئے دکاں کیسی
ایک ہی بادہ خوار ہم بھی ہیں..

شرم سمجھے ترے تغافل کو
واہ کیا ہوشیار ہم بھی ہیں..

ہاتھ ہم سے ملاؤ اے موسیٰ
عاشق روئے یار ہم بھی ہیں..

خواہش بادۂ طہور نہیں
کیسے پرہیزگار ہم بھی ہیں..

تم اگر اپنی گوں کے ہو معشوق
اپنے مطلب کے یار ہم بھی ہیں..

جس نے چاہا پھنسا لیا ہم کو
دلبروں کے شکار ہم بھی ہیں..

آئی مے خانے سے یہ کس کی صدا
لاؤ یاروں کے یار ہم بھی ہیں..

لے ہی تو لے گی دل نگاہ تری
ہر طرح ہوشیار ہم بھی ہیں..

ادھر آ کر بھی فاتحہ پڑھ لو
آج زیر مزار ہم بھی ہیں..

غیر کا حال پوچھئے ہم سے
اس کے جلسے کے یار ہم بھی ہیں..

کون سا دل ہے جس میں داغؔ نہیں
عشق میں یادگار ہم بھی ہیں..