Two Lines Poetry

Aao Mil Jao Ke Ye Waqt Na Paoge Kabhi,
Main Bhi Hum-rah Zamane Ke Badal Jaaunga.!

آؤ مل جاؤ کہ یہ وقت نہ پاؤ گے کبھی
میں بھی ہمراہ زمانہ کے بدل جاؤں گا..
_______________

Chup Chaap Sunti Rahti Hai Pahro'n Shab-e-firaaq,
Tasveer-e-yaar Ko Hai Meri Guftugu Pasand.!

چپ چاپ سنتی رہتی ہے پہروں شب فراق
تصویر یار کو ہے مری گفتگو پسند..
_______________

Dil Kya Milaoge Ke Humein Ho Gaya Yaqeen,
Tum Se To Khaak Mein Bhi Milaya Na Jayega.!

دل کیا ملاؤگے کہ ہمیں ہو گیا یقیں
تم سے تو خاک میں بھی ملایا نہ جائے گا..
_______________

Na Samjha Umr Guzri Us But-e-kaafir Ko Samjhate,
Pighal Kar Mom Ho Jaata Agar Patthar Ko Samjhate.!

نہ سمجھا عمر گزری اس بت کافر کو سمجھاتے
پگھل کر موم ہو جاتا اگر پتھر کو سمجھاتے..
_______________

Phir Gaya Jab Se Koi Aa Ke Humare Dar Tak,
Ghar Ke Baahar Hi Pade Rahte Hain Ghar Chhod Diya.!

پھر گیا جب سے کوئی آ کے ہمارے در تک
گھر کے باہر ہی پڑے رہتے ہیں گھر چھوڑ دیا..
_______________

Tumhaara Dil Mere Dil Ke Barabar Ho Nahi Sakta,
Wo Shisha Ho Nahi Sakta Ye Patthar Ho Nahi Sakta.!

تمہارا دل مرے دل کے برابر ہو نہیں سکتا
وہ شیشہ ہو نہیں سکتا یہ پتھر ہو نہیں سکتا..
_______________

Ayadat Ko Meri Aa Kar Wo Ye Taakeed Karte Hain,
Tujhe Hum Maar Daalenge Nahi To Jald Achchha Ho.!

عیادت کو مری آ کر وہ یہ تاکید کرتے ہیں
تجھے ہم مار ڈالیں گے نہیں تو جلد اچھا ہو..
_______________

Meri Aah Ka Tum Asar Dekh Lena,
Wo Aayenge Thaame Jigar Dekh Lena.!

مری آہ کا تم اثر دیکھ لینا
وہ آئیں گے تھامے جگر دیکھ لینا..
_______________

Waada Jhootha Kar Liya Chaliye Tasalli Ho Gayi,
Hai Zara Si Baat Khush Karna Dil-e-nashaad Ka.!

وعدہ جھوٹا کر لیا چلئے تسلی ہو گئی
ہے ذرا سی بات خوش کرنا دل ناشاد کا..
_______________

Humein Hai Shauq Ke Be-parda Tum Ko Dekhenge,
Tumhein Hai Sharm To Aankhon Pe Haath Dhar Lena.!

ہمیں ہے شوق کہ بے پردہ تم کو دیکھیں گے
تمہیں ہے شرم تو آنکھوں پہ ہاتھ دھر لینا..
_______________

Wo Kahte Hain Kya Zor Uthaoge Tum Ai 'Dagh',
Tum Se To Mera Naaz Uthaya Nahi Jaata.!

وہ کہتے ہیں کیا زور اٹھاؤ گے تم اے داغؔ
تم سے تو مرا ناز اٹھایا نہیں جاتا..
_______________

Aati Hai Baat Baat Mujhe Baar Baar Yaad,
Kahta Hun Daud Daud Ke Qaasid Se Raah Mein.!

آتی ہے بات بات مجھے بار بار یاد
کہتا ہوں دوڑ دوڑ کے قاصد سے راہ میں..
_______________

Ab To Beemar-e-mohabbat Tere,
Qaabil-e-ghaur Hue Jaate Hain.!

اب تو بیمار محبت تیرے
قابل غور ہوئے جاتے ہیں..
_______________

Koi Naam-o-nishaan Poochhe To Ai Qaasid Bata Dena,
Takhallus 'Dagh' Hai Wo Aashiqon Ke Dil Mein Rahte Hain.!

کوئی نام و نشاں پوچھے تو اے قاصد بتا دینا
تخلص داغؔ ہے وہ عاشقوں کے دل میں رہتے ہیں..
_______________

"Dagh Dehlvi"