Tumhaare Khat Mein Naya Ek Salaam Kis Ka Tha

Tumhaare khat mein naya ek salaam kis ka tha,
Na tha raqeeb to aakhir wo naam kis ka tha..

Wo qatl kar ke mujhe har kisi se poochhte hain,
Ye kaam kis ne kiya hai ye kaam kis ka tha..

Wafa karenge nibahenge baat maanenge, 
Tumhein bhi yaad hai kuchh ye kalaam kis ka tha..

Raha na dil mein wo bedard aur dard raha,
Muqeem kaun hua hai maqaam kis ka tha..

Na poochh-gachh thi kisi ki wahaan na aaw-bhagat,
Tumhaari bazm mein kal ahtimaam kis ka tha..

Tamaam bazm jise sun ke rah gayi mushtaaq,
Kaho wo tazkira-e-na-tamaam kis ka tha..

Humare khat ke to purze kiye padha bhi nahin,
Suna jo tu ne ba-dil wo payaam kis ka tha..

Uthaai kyun na qayamat adu ke kooche mein,
Lihaaz aap ko waqt-e-khiraam kis ka tha..

Guzar gaya wo zamana kahun to kis se kahun,
Khyaal dil ko mere subah o shaam kis ka tha..

Humein to hazrat-e-waaiz ki zid ne pilwaai,
Yahaan irada-e-sharb-e-mudaam kis ka tha..

Agarche dekhne waale tere hazaaron the,
Tabah-haal bahut zer-e-baam kis ka tha..

Wo kaun tha ke tumhein jis ne bewafa jaana,
Khyaal-e-khaam ye sauda-e-khaam kis ka tha..

Inhin sifaat se hota hai aadmi mashhoor,
Jo lutf aam wo karte ye naam kis ka tha.. 

Har ek se kahte hain kya 'Dagh' bewafa nikla,
Ye poochhe un se koi wo ghulaam kis ka tha.!!

"Dagh Dehlvi"
_______________

Ahtimaam = care, preparation, planning,
Mushtaaq = desirous/ eager,
Tazkira-e-na-tamaam = incomplete description,
Waqt-e-khiraam = slow paced time,
Irada-e-sharb-e-mudaam = intention to always drink together,
Zer-e-baam = under the roof,
Khyaal-e-khaam = crude or silly ideas,
Sauda-e-khaam = raw material,
____________________

تمہارے خط میں نیا اک سلام کس کا تھا
نہ تھا رقیب تو آخر وہ نام کس کا تھا..

وہ قتل کر کے مجھے ہر کسی سے پوچھتے ہیں
یہ کام کس نے کیا ہے یہ کام کس کا تھا.. 

وفا کریں گے نباہیں گے بات مانیں گے
تمہیں بھی یاد ہے کچھ یہ کلام کس کا تھا..

رہا نہ دل میں وہ بے درد اور درد رہا
مقیم کون ہوا ہے مقام کس کا تھا..

نہ پوچھ گچھ تھی کسی کی وہاں نہ آؤ بھگت
تمہاری بزم میں کل اہتمام کس کا تھا..

تمام بزم جسے سن کے رہ گئی مشتاق
کہو وہ تذکرۂ ناتمام کس کا تھا..

ہمارے خط کے تو پرزے کئے پڑھا بھی نہیں
سنا جو تو نے بہ دل وہ پیام کس کا تھا..

اٹھائی کیوں نہ قیامت عدو کے کوچے میں
لحاظ آپ کو وقت خرام کس کا تھا..

گزر گیا وہ زمانہ کہوں تو کس سے کہوں
خیال دل کو مرے صبح و شام کس کا تھا..

ہمیں تو حضرت واعظ کی ضد نے پلوائی
یہاں ارادۂ شرب مدام کس کا تھا..

اگرچہ دیکھنے والے ترے ہزاروں تھے
تباہ حال بہت زیر بام کس کا تھا..

وہ کون تھا کہ تمہیں جس نے بے وفا جانا
خیال خام یہ سودائے خام کس کا تھا..

انہیں صفات سے ہوتا ہے آدمی مشہور
جو لطف عام وہ کرتے یہ نام کس کا تھا..

ہر اک سے کہتے ہیں کیا داغؔ بے وفا نکلا
یہ پوچھے ان سے کوئی وہ غلام کس کا تھا...