Tum Aaina Hi Na Har Baar Dekhte Jao

Tum aaina hi na har baar dekhte jao..
Meri taraf bhi to sarkaar dekhte jao.!

Na jao haal-e-dil-e-zaar dekhte jao..
Ke ji na chaahe to na-chaar dekhte jao.!

Bahaar-e-umr mein baagh-e-jahaan ki sair karo..
Khila hua hai ye gulzaar dekhte jao.!

Yahi to chashm-e-haqeeqat nigar ka surma hai..
Niza-e-kaafir-o-deen-daar dekhte jao.! 

Uthao aankh na sharmao ye to mahfil hai..
Ghazab se jaanib-e-aghyaar dekhte jao.!

Nahin hai jins-e-wafa ki tumhein jo qadr na ho..
Banenge kitne kharidaar dekhte jao.!

Tumhein gharaz jo karo rahm payemaalo'n par..
Tum apni shokhi-e-raftaar dekhte jao.!

Qasam bhi khaai thi qur'aan bhi uthaya tha..
Phir aaj hai wahi inkaar dekhte jao.!

Ye shaamat aai ke us ki gali mein dil ne kaha..
Khula hai rauzan-e-deewar dekhte jao.!

Hua hai kya abhi hangama aur kuchh hoga..
Fughaa'n mein hashr ke aasaar dekhte jao.!

Shab-e-wisaal adu ki yahi nishaani hai..
Nishaan-e-bosa-e-rukhsaar dekhte jao.!

Tumhaari aankh mere dil se le sabab be-wajah..
Hui hai ladne ko tayyaar dekhte jao.!

Idhar ko aa hi gaye ab to hazrat-e-zaahid..
Yahin hai khana-e-khummaar dekhte jao.!

Raqeeb barsar-e-parkhaash hum se hota hai..
Badhegi muft mein takraar dekhte jao.!

Nahin hain jurm-e-mohabbat mein sab ke sab mulzim..
Khata muaaf khata-waar dekhte jao.!

Dikha rahi hai tamasha falak ki nairangi.. 
Naya hai shoabada har baar dekhte jao.!

Bana diya meri chaahat ne ghairat-e-yusuf..
Tum apni garmi-e-bazaar dekhte jao.!

Na jao band kiye aankh rah-rawaan-e-adam..
Idhar udhar bhi khabar-daar dekhte jao.!

Suni-sunaai pe hargiz kabhi amal na karo..
Humare haal ke akhbaar dekhte jao.!

Koi na koi har ek sher mein hai baat zaroor..
Janaab-e-'Dagh' ke ash'aar dekhte jao.!!

"Dagh Dehlvi"
_______________

Nigar = ask for,
Niza-e-kaafir-o-deen-daar = tussle/brawl between idolater and devout,
Shokhi-e-raftaar = mischievous walk,
Rauzan-e-deewar = window in wall,
Khana-e-khummaar = house of intoxication,
Barsar-e-parkhaash = on the verge of dispute, protest,
Nairangi = transience, changeability,
Shoabada = Juggling, Trick,
Rah-rawaan-e-adam = fellow travellers to death,
_________________________

تم آئینہ ہی نہ ہر بار دیکھتے جاؤ
مری طرف بھی تو سرکار دیکھتے جاؤ..

نہ جاؤ حال دل زار دیکھتے جاؤ
کہ جی نہ چاہے تو ناچار دیکھتے جاؤ..

بہار عمر میں باغ جہاں کی سیر کرو
کھلا ہوا ہے یہ گلزار دیکھتے جاؤ.. 

یہی تو چشم حقیقت نگر کا سرمہ ہے
نزاع کافر و دیں دار دیکھتے جاؤ..

اٹھاؤ آنکھ نہ شرماؤ یہ تو محفل ہے
غضب سے جانب اغیار دیکھتے جاؤ..

نہیں ہے جنس وفا کی تمہیں جو قدر نہ ہو
بنیں گے کتنے خریدار دیکھتے جاؤ..

تمہیں غرض جو کرو رحم پائمالوں پر
تم اپنی شوخیٔ رفتار دیکھتے جاؤ..

قسم بھی کھائی تھی قرآن بھی اٹھایا تھا
پھر آج ہے وہی انکار دیکھتے جاؤ..

یہ شامت آئی کہ اس کی گلی میں دل نے کہا
کھلا ہے روزن دیوار دیکھتے جاؤ.. 

ہوا ہے کیا ابھی ہنگامہ اور کچھ ہوگا
فغاں میں حشر کے آثار دیکھتے جاؤ..

شب وصال عدو کی یہی نشانی ہے
نشان بوسۂ رخسار دیکھتے جاؤ..

تمہاری آنکھ مرے دل سے لے سبب بے وجہ
ہوئی ہے لڑنے کو تیار دیکھتے جاؤ..

ادھر کو آ ہی گئے اب تو حضرت زاہد
یہیں ہے خانۂ خمار دیکھتے جاؤ..

رقیب برسر پرخاش ہم سے ہوتا ہے
بڑھے گی مفت میں تکرار دیکھتے جاؤ..

نہیں ہیں جرم محبت میں سب کے سب ملزم
خطا معاف خطاوار دیکھتے جاؤ..

دکھا رہی ہے تماشا فلک کی نیرنگی
نیا ہے شعبدہ ہر بار دیکھتے جاؤ..

بنا دیا مری چاہت نے غیرت یوسف
تم اپنی گرمئ بازار دیکھتے جاؤ..

نہ جاؤ بند کئے آنکھ رہروان عدم
ادھر ادھر بھی خبردار دیکھتے جاؤ..

سنی سنائی پہ ہرگز کبھی عمل نہ کرو
ہمارے حال کے اخبار دیکھتے جاؤ..

کوئی نہ کوئی ہر اک شعر میں ہے بات ضرور
جناب داغؔ کے اشعار دیکھتے جاؤ..