Teri Surat Ko Dekhta Hun Main

Teri surat ko dekhta hun main..
Us ki qudrat ko dekhta hun main,

Jab hui subah aa gaye naaseh..
Unhin hazrat ko dekhta hun main,

Wo musibat suni nahin jaati..
Jis musibat ko dekhta hun main,

Dekhne aaye hain jo meri nabz..
Un ki surat ko dekhta hun main,

Maut mujh ko dikhaai deti hai..
Jab tabiyat ko dekhta hun main,

Shab-e-furqat utha utha kar sar..
Subah-e-ishrat ko dekhta hun main,

Door baitha hua sar-e-mahfil..
Rang-e-sohbat ko dekhta hun main,

Har musibat hai be-maza shab-e-ghum..
Aafat aafat ko dekhta hun main,

Na mohabbat ko jaante ho tum..
Na murawwat ko dekhta hun main,

Koi dushman ko yoon na dekhega..
Jaise qismat ko dekhta hun main,

Hashr mein 'Dagh' koi dost nahin..
Saari khilqat ko dekhta hun main.!! 

"Dagh Dehlvi"
_______________

Naaseh = adviser/ counsellor, नसीहत या उपदेश देने वाला,
Subah-e-ishrat = morning of pleasure,
Rang-e-sohbat = colour of company, colour of association,
Khilqat = creation, nature, people, the world,
_____________________

تیری صورت کو دیکھتا ہوں میں
اس کی قدرت کو دیکھتا ہوں میں..

جب ہوئی صبح آ گئے ناصح
انہیں حضرت کو دیکھتا ہوں میں..

وہ مصیبت سنی نہیں جاتی
جس مصیبت کو دیکھتا ہوں میں.. 

دیکھنے آئے ہیں جو میری نبض
ان کی صورت کو دیکھتا ہوں میں..

موت مجھ کو دکھائی دیتی ہے
جب طبیعت کو دیکھتا ہوں میں..

شب فرقت اٹھا اٹھا کر سر
صبح عشرت کو دیکھتا ہوں میں.. 

دور بیٹھا ہوا سر محفل
رنگ صحبت کو دیکھتا ہوں میں..

ہر مصیبت ہے بے مزا شب غم
آفت آفت کو دیکھتا ہوں میں..

نہ محبت کو جانتے ہو تم
نہ مروت کو دیکھتا ہوں میں..

کوئی دشمن کو یوں نہ دیکھے گا
جیسے قسمت کو دیکھتا ہوں میں..

حشر میں داغؔ کوئی دوست نہیں
ساری خلقت کو دیکھتا ہوں میں..