Tamasha-e-dair-o-haram Dekhte Hain

Tamasha-e-dair-o-haram dekhte hain..
Tujhe har bahane se hum dekhte hain.!

Humari taraf ab wo kam dekhte hain..
Wo nazrein nahin jin ko hum dekhte hain.! 

Zamane ke kya kya sitam dekhte hain..
Humin jaante hain jo hum dekhte hain.!

Phire but-kade se to ai ahl-e-kaaba..
Phir aa kar tumhaare qadam dekhte hain.!

Humein chashm-e-beena dikhaati hai sab kuchh..
Wo andhe hain jo jaam-e-jam dekhte hain.!

Na ima-e-khwahish na izhaar-e-matlab..
Mere munh ko ahl-e-karam dekhte hain.!

Kabhi todte hain wo khanjar ko apne..
Kabhi nabz-e-bismil mein dam dekhte hain.!

Ghanimat hai chashm-e-taghaful bhi un ki..
Bahut dekhte hain jo kam dekhte hain.!

Gharaz kya ke samjhein mere khat ka mazmoon..
Wo unwaan o tarz-e-raqam dekhte hain.!

Salamat rahe dil bura hai ke achchha..
Hazaaron mein ye ek dam dekhte hain.!

Raha kaun mahfil mein ab aane waala..
Wo chaaron taraf dam-ba-dam dekhte hain.!

Udhar sharm haail idhar khauf maane..
Na wo dekhte hain na hum dekhte hain.!

Unhein kyun na ho dilrubaai se nafrat..
Ke har dil mein wo ghum alam dekhte hain.!

Nigahbaan se bhi kya hui bad-gumaani..
Ab us ko tere saath kam dekhte hain.!

Humein 'Dagh' kya kam hai ye sarfaraazi..
Ke shaah-e-dakan ke qadam dekhte hain.!!

"Dagh Dehlvi"
_______________

Chashm-e-beena = an eye that sees, perceptive,
Jaam-e-jam = the bowl of Jamsheed in which he saw whatever he wishsed to see,
Ima-e-khwahish = prompting of desire,
Sarfaraazi = exaltation, distinction, promotion,
____________________

تماشائے دیر و حرم دیکھتے ہیں
تجھے ہر بہانے سے ہم دیکھتے ہیں..

ہماری طرف اب وہ کم دیکھتے ہیں
وہ نظریں نہیں جن کو ہم دیکھتے ہیں.. 

زمانے کے کیا کیا ستم دیکھتے ہیں
ہمیں جانتے ہیں جو ہم دیکھتے ہیں..

پھرے بت کدے سے تو اے اہل کعبہ
پھر آ کر تمہارے قدم دیکھتے ہیں.. 

ہمیں چشم بینا دکھاتی ہے سب کچھ
وہ اندھے ہیں جو جام جم دیکھتے ہیں.. 

نہ ایمائے خواہش نہ اظہار مطلب
مرے منہ کو اہل کرم دیکھتے ہیں..

کبھی توڑتے ہیں وہ خنجر کو اپنے
کبھی نبض بسمل میں دم دیکھتے ہیں..

غنیمت ہے چشم تغافل بھی ان کی
بہت دیکھتے ہیں جو کم دیکھتے ہیں..

غرض کیا کہ سمجھیں مرے خط کا مضموں
وہ عنوان و طرز رقم دیکھتے ہیں..

سلامت رہے دل برا ہے کہ اچھا
ہزاروں میں یہ ایک دم دیکھتے ہیں..

رہا کون محفل میں اب آنے والا
وہ چاروں طرف دم بدم دیکھتے ہیں.. 

ادھر شرم حائل ادھر خوف مانع
نہ وہ دیکھتے ہیں نہ ہم دیکھتے ہیں.. 

انہیں کیوں نہ ہو دل ربائی سے نفرت
کہ ہر دل میں وہ غم الم دیکھتے ہیں.. 

نگہباں سے بھی کیا ہوئی بد گمانی
اب اس کو ترے ساتھ کم دیکھتے ہیں..

ہمیں داغؔ کیا کم ہے یہ سرفرازی
کہ شاہ دکن کے قدم دیکھتے ہیں..