Sitam Hi Karna Jafa Hi Karna Nigah-e-ulfat Kabhi Na Karna

Sitam hi karna jafa hi karna nigah-e-ulfat kabhi na karna...

Tumhein qasam hai humare sar ki humare haq mein kami na karna.!

Humari mayyat pe tum jo aana to chaar aansu baha ke jaana...

Zara rahe paas-e-aabru bhi kahin humari hansi na karna.!

Kahaan ka aana kahaan ka jaana wo jaante hi nahin ye rasmein...

Wahaan hai waade ki bhi ye surat kabhi to karna kabhi na karna.!

Liye to chalte hain hazrat-e-dil tumhein bhi us anjuman mein lekin...

Humare pahlu mein baith kar tum humin se pahlu-tahi na karna.!

Nahin hai kuchh qatl un ka aasaan ye sakht-jaan hain bure bala ke...

Qaza ko pahle shareek karna ye kaam apni khushi na karna.!

Halaak andaaz-e-wasl karna ke parda rah jaaye kuchh humara...

Ghum-e-judaai mein khaak kar ke kahin adu ki khushi na karna.!

Meri to hai baat zahar un ko wo un ke matlab hi ki na kyun ho...

Ke un se jo iltija se kahna ghazab hai un ko wahi na karna.!

Hua agar shauq aaine se to rukh rahe raasti ki jaanib...

Misaal-e-aariz safaai rakhna ba-rang-e-kaakul kaji na karna.!

Wo hi humara tareeq-e-ulfat ke dushmanon se bhi mil ke chalna...

Ye ek shewa tera sitamgar ke dost se dosti na karna.!

Hum ek rasta gali ka us ki dikha ke dil ko hue pashemaan...

Ye hazrat-e-khizr ko jata do kisi ki tum rahbari na karna.!

Bayaan-e-dard-e-firaaq kaisa ke hai wahaan apni ye haqeeqat...

Jo baat karni to naala karna nahin to wo bhi kabhi na karna.!

Madaar hai naaseho tumhin par tamaam ab us ki munsifi ka...

Zara to kahna khuda-lagi bhi faqat sukhan-parwari na karna.!

Buri hai ai 'Dagh' rah-e-ulfat khuda na le jaaye aise raste...

Jo apni tum khair chaahte ho to bhool kar dil-lagi na karna.!!

"Dagh Dehlvi"
_______________

Pahlu-tahi = empty side,
Sakht-jaan = callous,
Raasti = honesty, liberation, truth,
Ba-rang-e-kaakul = with the color of tresses, like tresses,
Kaji = raw, टेढ़ापन, वक्रता,
Madaar = orbit, circumference, a place of turning, dependence,
Naaseho = admonisher, sincere friend, counsellor, उपदेशको,
Khuda-lagi = true,
Sukhan-parwari = promoting poetry, patronising the good word,
_________________________

ستم ہی کرنا جفا ہی کرنا نگاہ الفت کبھی نہ کرنا،
تمہیں قسم ہے ہمارے سر کی ہمارے حق میں کمی نہ کرنا..

ہماری میت پہ تم جو آنا تو چار آنسو بہا کے جانا،
ذرا رہے پاس آبرو بھی کہیں ہماری ہنسی نہ کرنا..

کہاں کا آنا کہاں کا جانا وہ جانتے ہی نہیں یہ رسمیں،
وہاں ہے وعدے کی بھی یہ صورت کبھی تو کرنا کبھی نہ کرنا..

لیے تو چلتے ہیں حضرت دل تمہیں بھی اس انجمن میں لیکن،
ہمارے پہلو میں بیٹھ کر تم ہمیں سے پہلو تہی نہ کرنا..

نہیں ہے کچھ قتل ان کا آساں یہ سخت جاں ہیں برے بلا کے،
قضا کو پہلے شریک کرنا یہ کام اپنی خوشی نہ کرنا..

ہلاک انداز وصل کرنا کہ پردہ رہ جائے کچھ ہمارا،
غم جدائی میں خاک کر کے کہیں عدو کی خوشی نہ کرنا..

مری تو ہے بات زہر ان کو وہ ان کے مطلب ہی کی نہ کیوں ہو،
کہ ان سے جو التجا سے کہنا غضب ہے ان کو وہی نہ کرنا..

ہوا اگر شوق آئنے سے تو رخ رہے راستی کی جانب،
مثال عارض صفائی رکھنا برنگ کاکل کجی نہ کرنا..

وہ ہی ہمارا طریق الفت کہ دشمنوں سے بھی مل کے چلنا،
یہ ایک شیوہ ترا ستم گر کہ دوست سے دوستی نہ کرنا.. 

ہم ایک رستہ گلی کا اس کی دکھا کے دل کو ہوئے پشیماں،
یہ حضرت خضر کو جتا دو کسی کی تم رہبری نہ کرنا..

بیان درد فراق کیسا کہ ہے وہاں اپنی یہ حقیقت،
جو بات کرنی تو نالہ کرنا نہیں تو وہ بھی کبھی نہ کرنا..

مدار ہے ناصحو تمہیں پر تمام اب اس کی منصفی کا،
ذرا تو کہنا خدا لگی بھی فقط سخن پروری نہ کرنا..

بری ہے اے داغؔ راہ الفت خدا نہ لے جائے ایسے رستے،
جو اپنی تم خیر چاہتے ہو تو بھول کر دل لگی نہ کرنا..