Shab-e-wasl Zid Mein Basar Ho Gayi

Shab-e-wasl zid mein basar ho gayi,
Nahin hote hote sahar ho gayi..

Nigah ghair par be-asar ho gayi,
Tumhaari nazar ko nazar ho gayi..

Kasak dil mein phir chaaragar ho gayi,
Jo taskeen pahar dopahar ho gayi..

Lagate hain dil us se ab haar jeet,
Idhar ho gayi ya udhar ho gayi..

Jawaab un ki jaanib se dene laga,
Ye jur'at tujhe naama-bar ho gayi..

Bure haal se ya bhale haal se,
Tumhein kya humari basar ho gayi..

Mayassar humein khwab-e-raahat kahaan,
Zara aankh jhapki sahar ho gayi..

Jafa par wafa to karun soch lo,
Tumhein mujh se ulfat agar ho gayi..

Nigah-e-sitam mein kuchh ijaad ho,
Ke ye to puraani nazar ho gayi..

Tasalli mujhe de ke jaate to ho,
Mabaada jo ju-e-digar ho gayi..

Kahin husn se bhi hai kaahidgi,
Na hone ke qaabil kamar ho gayi..

Shab-e-wasl aisi khili chaandni,
Wo ghabra ke bole sahar ho gayi..

Kahi zindagi bhar ki shab waardaat,
Meri rooh paigham-bar ho gayi..

Kaho kya karoge mere wasl ki,
Jo mashhoor jhoothi khabar ho gayi..

Ghum-e-hijr se 'Dagh' mujh ko najaat,
Yaqeen tha na hogi magar ho gayi.!!

"Dagh Dehlvi"
_______________

Mabaada = lest, let it not be, never, ever, कहीं ऐसा न हो,
Ju-e-digar = other hunger,
Kaahidgi = dwindling, decreasing, diminishing, घटाव, कमी।।
____________________

شب وصل ضد میں بسر ہو گئی
نہیں ہوتے ہوتے سحر ہو گئی..

نگہ غیر پر بے اثر ہو گئی
تمہاری نظر کو نظر ہو گئی..

کسک دل میں پھر چارہ گر ہو گئی
جو تسکیں پہر دوپہر ہو گئی..

لگاتے ہیں دل اس سے اب ہار جیت
ادھر ہو گئی یا ادھر ہو گئی..

جواب ان کی جانب سے دینے لگا
یہ جرأت تجھے نامہ بر ہو گئی..

برے حال سے یا بھلے حال سے
تمہیں کیا ہماری بسر ہو گئی..

میسر ہمیں خواب راحت کہاں
ذرا آنکھ جھپکی سحر ہو گئی.. 

جفا پر وفا تو کروں سوچ لو
تمہیں مجھ سے الفت اگر ہو گئی..

نگاہ ستم میں کچھ ایجاد ہو
کہ یہ تو پرانی نظر ہو گئی.. 

تسلی مجھے دے کے جاتے تو ہو
مبادا جو جوع دگر ہو گئی..

کہیں حسن سے بھی ہے کاہیدگی
نہ ہونے کے قابل کمر ہو گئی..

شب وصل ایسی کھلی چاندنی
وہ گھبرا کے بولے سحر ہو گئی..

کہی زندگی بھر کی شب واردات
مری روح پیغام بر ہو گئی..

کہو کیا کروگے مرے وصل کی
جو مشہور جھوٹی خبر ہو گئی..

غم ہجر سے داغؔ مجھ کو نجات
یقیں تھا نہ ہوگی مگر ہو گئی..