Shab-e-wasl Bhi Lab Pe Aaye Gaye Hain

Shab-e-wasl bhi lab pe aaye gaye hain,
Ye naale bahut munh lagaye gaye hain..

Khuda jaane hum kis ke pahlu mein honge,
Adam ko sab apne paraye gaye hain..

Wahi raah milti hai chal phir ke hum ko,
Jahaan khak mein dil milaye gaye hain..

Mere dil ki kyunkar na ho payemaali,
Bahut is mein armaan aaye gaye hain..

Gile shikwe jhoothe bhi the kis maze ke, 
Hum ilzaam daanista khaye gaye hain..

Nigah ko jigar zulf ko dil diya hai,
Ye donon thikane lagaye gaye hain..

Rahe chup na hum bhi dam-e-arz-e-matlab,
Wo ek ek ki sau sau sunaye gaye hain..

Farishte bhi dekhein to khul jaayen aankhein,
Bashar ko wo jalwe dikhaye gaye hain..

Chalo hazrat-e-'Dagh' ki sair dekhein,
Wahaan aaj bhi wo bulaye gaye hain.!!

"Dagh Dehlvi"
_______________

شب وصل بھی لب پہ آئے گئے ہیں
یہ نالے بہت منہ لگائے گئے ہیں.. 

خدا جانے ہم کس کے پہلو میں ہوں گے
عدم کو سب اپنے پرائے گئے ہیں..

وہی راہ ملتی ہے چل پھر کے ہم کو
جہاں خاک میں دل ملائے گئے ہیں..

مرے دل کی کیونکر نہ ہو پائمالی
بہت اس میں ارمان آئے گئے ہیں..

گلے شکوے جھوٹے بھی تھے کس مزے کے
ہم الزام دانستہ کھائے گئے ہیں..

نگہ کو جگر زلف کو دل دیا ہے
یہ دونوں ٹھکانے لگائے گئے ہیں..

رہے چپ نہ ہم بھی دم عرض مطلب
وہ اک اک کی سو سو سنائے گئے ہیں..

فرشتے بھی دیکھیں تو کھل جائیں آنکھیں
بشر کو وہ جلوے دکھائے گئے ہیں..

چلو حضرت داغؔ کی سیر دیکھیں
وہاں آج بھی وہ بلائے گئے ہیں..