Sabaq Aisa Padha Diya Tu Ne

Sabaq aisa padha diya tu ne,
Dil se sab kuchh bhala diya tu ne..

Hum nikamme hue zamane ke,
Kaam aisa sikha diya tu ne..

Kuchh ta'alluq raha na duniya se,
Shaghl aisa bata diya tu ne..

Kis khushi ki khabar suna ke mujhe,
Ghum ka putla bana diya tu ne..

Kya bataaun ke kya liya main ne,
Kya kahun main ke kya diya tu ne..

Be-talab jo mila mila mujh ko,
Be-gharaz jo diya diya tu ne..

Umr-e-jawed khizr ko bakhshi,
Aab-e-haiwaan pila diya tu ne..

Naar-e-namrud ko kiya gulzaar,
Dost ko yoon bacha diya tu ne..

Dast-e-musa mein faiz bakhshish hai,
Noor-o-lauh-o-asa diya tu ne..

Subah mauj naseem gulshan ko,
Nafas-e-jaan-faza diya tu ne..

Shab-e-teera mein shama raushan ko,
Noor khurshid ka diya tu ne..

Naghma bulbul ko rang-o-bu gul ko,
Dil-kash-o-khushnuma diya tu ne..

Kahin mushtaaq se hijaab hua,
Kahin parda utha diya tu ne..

Tha mera munh na qaabil-e-labbaik,
Kaaba mujh ko dikha diya tu ne..

Jis qadar main ne tujh se khwahish ki,
Is se mujh ko siwa diya tu ne..

Rahbar-e-khizr-o-haadi-e-ilyaas,
Mujh ko wo rahnuma diya tu ne..

Mit gaye dil se naqsh-e-baatil sab,
Naqsha apna jama diya tu ne..

Hai yahi rah manzil-e-maqsood,
Khoob raste laga diya tu ne..

Mujh gunahgaar ko jo bakhsh diya,
To jahannum ko kya diya tu ne..

'Dagh' ko kaun dene waala tha,
Jo diya ai khuda diya tu ne.!!

"Dagh Dehlvi"
_______________

Shaghl = hobby,
Aab-e-haiwaan = nectar, elixir,
Shab-e-teera = dark night,
Mushtaaq = desirous/ eager,
____________________

سبق ایسا پڑھا دیا تو نے
دل سے سب کچھ بھلا دیا تو نے..

ہم نکمے ہوئے زمانے کے
کام ایسا سکھا دیا تو نے..

کچھ تعلق رہا نہ دنیا سے
شغل ایسا بتا دیا تو نے..

کس خوشی کی خبر سنا کے مجھے
غم کا پتلا بنا دیا تو نے..

کیا بتاؤں کہ کیا لیا میں نے
کیا کہوں میں کی کیا دیا تو نے..

بے طلب جو ملا ملا مجھ کو
بے غرض جو دیا دیا تو نے..

عمر جاوید خضر کو بخشی
آب حیواں پلا دیا تو نے..

نار نمرود کو کیا گلزار
دوست کو یوں بچا دیا تو نے..

دست موسیٰ میں فیض بخشش ہے
نور و لوح و عصا دیا تو نے.. 

صبح موج نسیم گلشن کو
نفس جاں فزا دیا تو نے..

شب تیرہ میں شمع روشن کو
نور خورشید کا دیا تو نے..

نغمہ بلبل کو رنگ و بو گل کو
دلکش و خوش نما دیا تو نے..

کہیں مشتاق سے حجاب ہوا
کہیں پردہ اٹھا دیا تو نے..

تھا مرا منہ نہ قابل لبیک
کعبہ مجھ کو دکھا دیا تو نے..

جس قدر میں نے تجھ سے خواہش کی
اس سے مجھ کو سوا دیا تو نے..

رہبر خضر و ہادی الیاس
مجھ کو وہ رہنما دیا تو نے..

مٹ گئے دل سے نقش باطل سب
نقشہ اپنا جما دیا تو نے..

ہے یہی راہ منزل مقصود
خوب رستے لگا دیا تو نے..

مجھ گنہ گار کو جو بخش دیا
تو جہنم کو کیا دیا تو نے..

داغؔ کو کون دینے والا تھا
جو دیا اے خدا دیا تو نے..