Saaz Ye Keena-saaz Kya Jaanein

Saaz ye keena-saaz kya jaanein..
Naaz waale niyaaz kya jaanein,

Shama-ru aap go hue lekin..
Lutf-e-soz-o-gudaaz kya jaanein,

Kab kisi dar ki jabha-saai ki..
Shaikh saahab namaaz kya jaanein,

Jo rah-e-ishq mein qadam rakkhein..
Wo nasheb-o-faraaz kya jaanein,

Poochhiye may-kasho'n se lutf-e-sharaab.. 
Ye maza paak-baaz kya jaanein,

Bale chitwan teri ghazab ri nigaah..
Kya karenge ye naaz kya jaanein,

Jin ko apni khabar nahin ab tak..
Wo mere dil ka raaz kya jaanein,

Hazrat-e-khizr jab shaheed na hon..
Lutf-e-umr-e-daraaz kya jaanein,

Jo guzarte hain 'Dagh' par sadme..
Aap banda-nawaaz kya jaanein.!!

"Dagh Dehlvi"
_______________

Niyaaz = desire, supplication, offering, aquaintance,
Lutf-e-soz-o-gudaaz = pleasure of passion and subtlety,
Jabha-saai = touching forehead in prayer,
Nasheb-o-faraaz = ups and downs, high and low, descent and ascent, vicissitudes,
Bale = yes,
____________________

ساز یہ کینہ ساز کیا جانیں
ناز والے نیاز کیا جانیں..

شمع رو آپ گو ہوئے لیکن
لطف سوز و گداز کیا جانیں..

کب کسی در کی جبہہ سائی کی
شیخ صاحب نماز کیا جانیں..

جو رہ عشق میں قدم رکھیں
وہ نشیب و فراز کیا جانیں..

پوچھئے مے کشوں سے لطف شراب
یہ مزا پاکباز کیا جانیں..

بلے چتون تری غضب ری نگاہ
کیا کریں گے یہ ناز کیا جانیں..

جن کو اپنی خبر نہیں اب تک
وہ مرے دل کا راز کیا جانیں..

حضرت خضر جب شہید نہ ہوں
لطف عمر دراز کیا جانیں..

جو گزرتے ہیں داغؔ پر صدمے
آپ بندہ نواز کیا جانیں..