Saaf Kab Imtihaan Lete Hain

Saaf kab imtihaan lete hain..
Wo to dam de ke jaan lete hain,

Yoon hai manzoor khana-veeraani..
Mol mera makaan lete hain,

Tum taghaful karo raqeebon se..
Jaanne waale jaan lete hain,

Phir na aana agar koi bheje..
Naama-bar se zabaan lete hain,

Ab bhi gir pad ke zof se naale..
Saatwa aasman lete hain,

Tere khanjar se bhi to ai qaatil..
Nok ki nau-jawaan lete hain,

Apne bismil ka sar hai zaanu par..
Kis mohabbat se jaan lete hain,

Ye suna hai mere liye talwaar..
Ek mere mehrbaan lete hain,

Ye na kah hum se tere munh mein khaak..
Is mein teri zabaan lete hain,

Kaun jaata hai us gali mein jise..
Door se paasbaan lete hain,

Manzil-e-shauq tay nahin hoti..
Thekiyan na-tawaan lete hain,

Kar guzarte hain ho buri ke bhali..
Dil mein jo kuchh wo thhaan lete hain,

Wo jhagadte hain jab raqeebon se..
Beech mein mujh ko saan lete hain,

Zid har ek baat par nahin achchhi..
Dost ki dost maan lete hain,

Musta'id ho ke ye kaho to sahi..
Aaiye imtihaan lete hain,

'Dagh' bhi hai ajeeb sehr-bayaan..
Baat jis ki wo maan lete hain.!!

"Dagh Dehlvi"
_______________

Khana-veeraani = ruin of one's home,
Zof = weak, feeble,
Thekiyan = brief stops/halt during journey,
Musta'id = ready, prepared, worthy,
Sehr-bayaan = magic of description, narration,
____________________

صاف کب امتحان لیتے ہیں
وہ تو دم دے کے جان لیتے ہیں..

یوں ہے منظور خانہ ویرانی
مول میرا مکان لیتے ہیں..

تم تغافل کرو رقیبوں سے
جاننے والے جان لیتے ہیں..

پھر نہ آنا اگر کوئی بھیجے
نامہ بر سے زبان لیتے ہیں..

اب بھی گر پڑ کے ضعف سے نالے
ساتواں آسمان لیتے ہیں..

تیرے خنجر سے بھی تو اے قاتل
نوک کی نوجوان لیتے ہیں.. 

اپنے بسمل کا سر ہے زانو پر
کس محبت سے جان لیتے ہیں..

یہ سنا ہے مرے لیے تلوار
اک مرے مہربان لیتے ہیں..

یہ نہ کہہ ہم سے تیرے منہ میں خاک
اس میں تیری زبان لیتے ہیں..

کون جاتا ہے اس گلی میں جسے
دور سے پاسبان لیتے ہیں..

منزل شوق طے نہیں ہوتی
ٹھیکیاں ناتوان لیتے ہیں..

کر گزرتے ہیں ہو بری کہ بھلی
دل میں جو کچھ وہ ٹھان لیتے ہیں..

وہ جھگڑتے ہیں جب رقیبوں سے
بیچ میں مجھ کو سان لیتے ہیں..

ضد ہر اک بات پر نہیں اچھی
دوست کی دوست مان لیتے ہیں..

مستعد ہو کے یہ کہو تو سہی
آئیے امتحان لیتے ہیں..

داغؔ بھی ہے عجیب سحر بیاں
بات جس کی وہ مان لیتے ہیں..