Aaj Phir Gardish-e-taqdeer Pe Rona Aaya

Aaj phir gardish-e-taqdeer pe rona aaya,
Dil ki bigdi hui tasveer pe rona aaya..

Ishq ki qaid mein ab tak to ummidon pe jiye,
Mit gayi aas to zanjeer pe rona aaya..

Kya haseen khwab mohabbat ne dikhaya tha humein,
Khul gayi aankh to tabeer pe rona aaya..

Pahle qaasid ki nazar dekh ke dil sahm gaya,
Phir teri surkhi-e-tahreer pe rona aaya..

Dil ganwa kar bhi mohabbat ke maze mil na sake,
Apni khoi hui taqdeer pe rona aaya..

Kitne masroor the jeene ki duaon pe 'Shakeel',
Jab mile ranj to taseer pe rona aaya.!!

"Shakeel Badayuni"
____________________

آج پھر گردش تقدیر پہ رونا آیا
دل کی بگڑی ہوئی تصویر پہ رونا آیا..

عشق کی قید میں اب تک تو امیدوں پہ جئے
مٹ گئی آس تو زنجیر پہ رونا آیا..

کیا حسیں خواب محبت نے دکھایا تھا ہمیں
کھل گئی آنکھ تو تعبیر پہ رونا آیا..

پہلے قاصد کی نظر دیکھ کے دل سہم گیا
پھر تری سرخئ تحریر پہ رونا آیا..

دل گنوا کر بھی محبت کے مزے مل نہ سکے
اپنی کھوئی ہوئی تقدیر پہ رونا آیا..

کتنے مسرور تھے جینے کی دعاؤں پہ شکیلؔ
جب ملے رنج تو تاثیر پہ رونا آیا..