Aadab-e-aashiqi Se Begana Kah Rahi Hai

Aadab-e-aashiqi se begana kah rahi hai,
Meri nazar mujhi ko deewana kah rahi hai..

Har aah-e-sirr-e-paiham dil se nikal nikal kar,
Dil ki tabaahiyon ka afsana kah rahi hai..

Is darja hai musallat deewangi ka aalam,
Deewangi bhi mujh ko deewana kah rahi hai..

Ye inqilaab-e-dauraan ye aish-o-ghum ke unwaan,
Goya zabaan-e-fitrat afsana kah rahi hai..

Meri zabaan unhin se un ke sitam ka qissa,
Yoon dab ke kah rahi hai goya na kah rahi hai..

Ai barq-e-fitna samaan unwaan taaza koi,
Ye kya suna sunaya afsana kah rahi hai..

Hoon zinda ek muraqqa main surat-aafreen ka,
Duniya 'Shakeel' mera afsana kah rahi hai.!!

"Shakeel Badayuni"
_______________

Muraqqa = album, portfolio,
____________________

آداب عاشقی سے بیگانہ کہہ رہی ہے
میری نظر مجھی کو دیوانہ کہہ رہی ہے..

ہر آہ سر پیہم دل سے نکل نکل کر
دل کی تباہیوں کا افسانہ کہہ رہی ہے..

اس درجہ ہے مسلط دیوانگی کا عالم
دیوانگی بھی مجھ کو دیوانہ کہہ رہی ہے..

یہ انقلاب دوراں یہ عیش و غم کے عنواں
گویا زبان فطرت افسانہ کہہ رہی ہے..

میری زباں انہیں سے ان کے ستم کا قصہ
یوں دب کے کہہ رہی ہے گویا نہ کہہ رہی ہے..

اے برق فتنہ ساماں عنوان تازہ کوئی
یہ کیا سنا سنایا افسانہ کہہ رہی ہے..

ہوں زندہ اک مرقع میں صورت آفریں کا
دنیا شکیلؔ میرا افسانہ کہہ رہی ہے..